లక్కీ భాస్కర్.. ఓవర్సీస్ లో సాలీడ్ రికార్డ్

దుల్కర్ సల్మాన్ హీరోగా వెంకీ అట్లూరి దర్శకత్వంలో తెరకెక్కి ప్రేక్షకుల ముందుకొచ్చిన ‘లక్కీ భాస్కర్’ సూపర్ హిట్ టాక్ సొంతం చేసుకొని ఇప్పటికే 100 కోట్ల క్లబ్ లో చేరిపోయింది. ‘సీతారామం’ తర్వాత దుల్కర్ కి ఇది తెలుగులో సెకండ్ సూపర్ హిట్. ఈ మూవీతో అతని క్రేజ్ కూడా పెరిగిపోయింది. నిర్మాతకి ఈ చిత్రం భారీ లాభాలు తీసుకొచ్చింది. ఈ సినిమా విమర్శకుల ప్రశంసలు కూడా సొంతం చేసుకుంది. అద్భుతమైన కథతో ఈ చిత్రాన్ని వెంకీ అట్లూరి తెరపై ఆవిష్కరించాడని అంటున్నారు.

ఇదిలా ఉంటే ఈ మూవీ ఓవర్సీస్ లో కూడా అద్భుతమైన ఆదరణ సొంతం చేసుకుంది. ఏకంగా 3 మిలియన్ డాలర్స్ కి పైగా కలెక్షన్స్ ని ‘లక్కీ భాస్కర్’ మూవీ ఓవర్సీస్ లో వసూళ్లు చేసింది. ఎలాంటి అంచనాలు లేకుండా ఓవర్సీస్ మార్కెట్ లోకి వచ్చిన ఈ చిత్రం అక్కడి ఇండియన్ ఆడియన్స్ ని బాగానే ఆకట్టుకుంది. ఈ నేపథ్యంలోనే లాంగ్ రన్ లో మంచి లాభాలని అందుకుంది.

మలయాళం సినిమాల ద్వారా రానటువంటి క్రేజ్, కలెక్షన్స్ దుల్కర్ సల్మాన్ కి ఈ తెలుగు సినిమాతో వచ్చాయని చెప్పొచ్చు. ఈ నేపథ్యంలో దుల్కర్ నుంచి నెక్స్ట్ రాబోయే సినిమాలపైన ఆసక్తి ఏర్పడింది. తెలుగులో దుల్కర్ సల్మాన్ ఆల్రెడీ రెండే సినిమాలు సైన్ చేశాడు. అందులో ఒకటి వైజయంతీ మూవీస్ లోనే మళ్ళీ చేస్తున్నాడు. పవన్ సాదినేని దర్శకత్వంలో ‘ఆకాశంలో ఒక తార’ టైటిల్ తో ఈ మూవీ తెరకెక్కనుంది.

ప్రస్తుతం ప్రీప్రొడక్షన్ పనులు జరుగుతున్నాయి. అలాగే రానాతో కలిసి ఒక సినిమా చేస్తున్నారు. ఈ మూవీ ప్రీ ప్రొడక్షన్ వర్క్స్ కూడా జరుగుతున్నాయి. ఈ సినిమాని రానా, దుల్కర్ కలిసి నిర్మిస్తున్నారు. వీటితో పాటు కొత్త కథలు కూడా దుల్కర్ వింటున్నాడనే టాక్ వినిపిస్తోంది. ఇదిలా ఉంటే ‘లక్కీ భాస్కర్’ మూవీతో అయితే దుల్కర్ సల్మాన్ సాలిడ్ మార్కెట్ ని క్రియేట్ చేసుకోగలిగారు. ఇక ఓవర్సీస్ లో ‘లక్కీ భాస్కర్’ మూవీ కలెక్షన్స్ ఓవరాల్ లెక్కలు ఇలా ఉన్నాయి.

నార్త్ అమెరికా - $1,257,057

యూఏఈ& రెస్ట్ ఆఫ్ గల్ఫ్ కంట్రీస్ - $1.36 Million

యూకే& ఐర్లాండ్ - $213K

ఆస్ట్రేలియా - $101.5K

న్యూజిలాండ్ - $6.8K

జర్మనీ - $6.9K

రెస్ట్ ఆఫ్ యూరప్& వరల్డ్ - $120K అంచనా

టోటల్ గ్రాస్ - $3.065 Million