బిగ్ హీరో ఫ్యామిలీ కోసం లక్కీ భాస్కర్ స్పెషల్ షో!

దుల్కర్ సల్మాన్ ప్రధాన పాత్రలో నటించిన లక్కీ భాస్కర్ చిత్రం, ఇప్పటికే ప్రమోషన్ ద్వారా ప్రేక్షకుల్లో మంచి టాక్ సంపాదించుకుంది. ఇక ఈ దీపావళి సందర్భంగా గ్రాండ్‌గా విడుదలైన ఈ సినిమా ఎలాంటి ఫలితాన్ని అందుకుంటుందనే ఆసక్తి అందరిలో ఉంది. దుల్కర్ సల్మాన్ ఇప్పటికే సీతారామం సినిమాతో మంచి సక్సెస్ అందుకున్నారు. ఇక ఈ సినిమా సక్సెస్ అయితే తెలుగులో అతనికి మరింత డిమాండ్ పెరిగే అవకాశం ఉంటుంది.

డిఫరెంట్ థ్రిల్లర్‌గా రూపొందిన ఈ చిత్రానికి వెంకీ అట్లూరి దర్శకత్వం వహించారు, గతంలో తొలిప్రేమ, సార్ చిత్రాలతో సక్సెస్‌ను సాధించిన వెంకీకి ఇది మరో ప్రయోగాత్మక ప్రాజెక్ట్. ఈ సినిమాలో మీనాక్షి చౌదరి కథానాయికగా కనిపించనున్నారు. సినిమా ప్రమోషన్లలో భాగంగా లక్కీ భాస్కర్ టీమ్ ఇటీవల నందమూరి బాలకృష్ణ హోస్ట్ చేసే పాపులర్ టాక్ షో అన్‌స్టాపబుల్ లో పాల్గొన్నారు.

ఈ ఎపిసోడ్‌కు సంబంధించిన ప్రోమో ఇప్పటికే విడుదలై, మంచి స్పందన అందుకుంది. బాలయ్య తన ప్రత్యేకమైన హోస్టింగ్ స్టైల్‌తో ఈ ఎపిసోడ్‌ను మరింత ఆకర్షణీయంగా మార్చారు. ప్రేక్షకులు దీపావళి రోజున సాయంత్రం ఈ పూర్తి ఎపిసోడ్‌ను ఆస్వాదించవచ్చు. ఇదిలా ఉంటే, తాజా సమాచారం ప్రకారం లక్కీ భాస్కర్ చిత్రానికి హైదరాబాద్‌లోని ఒక ప్రైవేట్ థియేటర్‌లో నందమూరి కుటుంబం కోసం ప్రత్యేకంగా షో వేశారు.

ఉదయం 10 గంటలకు బాలయ్య తన కుటుంబంతో కలిసి ఈ సినిమాను వీక్షించారు. ఈ ప్రత్యేక ప్రదర్శన అనంతరం, బాలయ్య చిత్ర బృందాన్ని అభినందించి, వారి మేకింగ్ విధానాన్ని ప్రశంసించారు. ఇక ఈ సినిమాకు ఇప్పటికే డీసెంట్ టాక్ అందుతోంది. లక్కీ భాస్కర్ చిత్రం సూపర్ హిట్‌గా నిలిచే అవకాశం ఉంది. సినిమాకి మంచి టాక్ రావడంతో, దీపావళి పండుగ సీజన్‌లో కలెక్షన్స్ అనుకున్నంత రేంజ్ లో రావచ్చు.

మరోవైపు లక్కీ భాస్కర్ నిర్మాత నాగవంశీ, నందమూరి బాలకృష్ణతో కలిసి NBK109 చిత్రాన్ని నిర్మిస్తున్నారు. అయితే ఈ సినిమాకి సంబంధించిన టీజర్ ని విడుదల చేయాలని భావించినప్పటికీ, టెక్నికల్ కారణాల వల్ల ఆ విడుదలను వాయిదా వేశారు. మొత్తానికి, లక్కీ భాస్కర్ సినిమా ఈ దీపావళి సందర్బంగా ప్రేక్షకులను ఆకట్టుకునేలా ఉన్నట్లు తెలుస్తోంది. దుల్కర్ సల్మాన్ నటన, మీనాక్షి చౌదరి గ్లామర్, వెంకీ అట్లూరి దర్శకత్వం వంటి అంశాలు సినిమాపై అంచనాలను మరింత పెంచుతున్నాయి.