తార తోరణంగా 'మామా మశ్చీంద్ర' వేడుక
సుధీర్ బాబు హీరోగా మిర్నాళిని రవి హీరోయిన్ గా రూపొందిన చిత్రం 'మామా మశ్చీంద్ర'. ఈ సినిమా పై అంచనాలు భారీగా ఉన్నాయి.
By: Tupaki Desk | 3 Oct 2023 6:11 AM GMT
సుధీర్ బాబు హీరోగా మిర్నాళిని రవి హీరోయిన్ గా రూపొందిన చిత్రం 'మామా మశ్చీంద్ర'. ఈ సినిమా పై అంచనాలు భారీగా ఉన్నాయి. ఈషా రెబ్బా కీలక పాత్రలో నటించిన ఈ సినిమాను అక్టోబర్ 6న ప్రేక్షకుల ముందుకు తీసుకు రాబోతున్నాడు. గత కొన్ని రోజులుగా జరుగుతున్న ప్రచార కార్యక్రమాలతో సినిమాకి హైప్ భారీగా పెరిగింది.
తాజాగా ఈ సినిమా ప్రీ రిలీజ్ ఈవెంట్ జరిగింది. ఈ కార్యక్రమం లో పలువురు సినీ ప్రముఖులు హాజరు అయ్యారు. ముఖ్యంగా యంగ్‌ హీరోలు శర్వానంద్‌, విశ్వక్ సేన్‌ లు సందడి చేశారు. చిత్రంలో నటించిన నటీనటులు ఇంకా సాంకేతిక నిపుణులు హాజరు అవ్వడంతో కార్యక్రమం తార తోరణంగా అన్నట్లుగా సాగిందంటూ మీడియా సర్కిల్స్ టాక్‌.
ఈ సినిమాలో సుధీర్ బాబు విభిన్నమైన గెటప్స్ లో కనిపించబోతున్నాడు. ముఖ్యంగా భారీ కాయుడిగా కనిపించే పాత్ర సినిమాకు ప్రధాన ఆకర్షణగా నిలుస్తుందని యూనిట్‌ సభ్యులు చెబుతున్నారు. సినిమాలోని హీరోయిన్స్ మిర్నాళిని మరియు ఈషా రెబ్బాల పాత్రలు కూడా ఆకట్టుకునే విధంగా ఉంటాయి అంటూ ప్రచారం చేస్తున్నారు.
ఈ వారంలో పెద్ద సినిమాలు పోటీ లేకపోవడంతో పాటు మామా మశ్చీంద్ర సినిమాకి మంచి బజ్ క్రియేట్‌ అవ్వడం తో అంచనాలు భారీగా ఉన్నాయి. అంచనాలకు ఏమాత్రం తగ్గకుండా ఈ సినిమాను రూపొందించినట్లుగా మేకర్స్ పేర్కొన్నారు. కనుక సుధీర్ బాబుకు ఈ సినిమా ఓ విభిన్నమైన కమర్షియల్‌ హిట్ గా నిలిచే అవకాశాలు కనిపిస్తున్నాయి.
