చ‌దువులేని అమ్మాయి సీఎం అయితే!
తాజాగా 'మ‌హారాణి -3' తోనూ ప్రేక్ష‌కుల ముందుకు రావ‌డానికి రెడీ అవుతుంది. ఈ విష‌యాన్ని ఇన్ స్టా ద్వారా అమ్మ‌డు రివీల్ చేసింది.
By: Tupaki Desk | 30 Oct 2023 6:25 AM GMT
బాలీవుడ్ వెబ్ సిరీస్ లు స‌క్సెస్ పుల్ కంటెంట్ తో దూసుకుపోతున్నాయి. సినిమాలకంటే వెబ్ సిరీస్ ల్లోనే కావాల్సినంత కంటెంట్ ఉంటుంది. చిన్న చిన్న న‌టులు సైతం వెబ్ సిరీస్ ల‌తో బోలెడంత ఫేమ‌స్ అవుతున్నారు. ఓవ‌ర్ నైట్ లోనే స్టార్ అయిపోతున్నారు. కోట్ల రూపాయ‌ల‌కు ప‌డ‌గెత్తుతున్నారు. ఇప్పుడు అక్క‌డ వెబ్ సిరీస్ కంటెంట్ కి అంత ప్రాధ‌న్యాత క‌నిపిస్తుంది. అందుకు అగ్ర స్థాయి హీరోయిన్లు కూడా వెబ్ సిరీస్ ల్ని త‌క్కువ చేయ‌లేదు.
ఛాన్స్ వ‌చ్చిన‌ప్పుడ‌ల్లా బుల్లి తెర‌పైనా స‌త్తా చాటుతున్నారు. 'మ‌హారాణి' వెబ్ సిరీస్ తో హాట్ బ్యూటీ హ్యూమా ఖురేష్ కూడా అదే స్థాయిలో రీచ్ అయింది. ఈసిరీస్ రెండు బాగాల్లోనే త‌న‌దైన ముద్ర వేసి విమ‌ర్శ‌కులు ప్ర‌శ‌సంలు ద‌క్కించుకుంది. తాజాగా 'మ‌హారాణి -3' తోనూ ప్రేక్ష‌కుల ముందుకు రావ‌డానికి రెడీ అవుతుంది. ఈ విష‌యాన్ని ఇన్ స్టా ద్వారా అమ్మ‌డు రివీల్ చేసింది.
'మ‌హారాణి 3' సీజ‌న్ ముగిసింది. ఈ ప్రాజెక్ట్ ద్వారా ఉత్త‌మ న‌ట‌న ప్ర‌ద‌ర్శించే అవ‌కాశం వ‌చ్చింది. ఇందులో నేను పోషించిన భార‌తి పాత్ర నా జీవితంలో ఓ మైలు రాయిలా నిలిచిపోతుంది. ఆ పాత్ర‌కు మ‌రోసారి ప్రాణం పోసే అవ‌కాశం ఇచ్చినందుకు ద‌ర్శ‌క-నిర్మాత‌ల‌కు కృత‌జ్ఞ‌త‌లు అని రాసుకొచ్చింది.
ఈ సిరీస్ క‌థ విష‌యానికి వ‌స్తే చ‌దువు రాని ఓ మ‌హిళ ముఖ్య‌మంత్రి పీఠం అదిష్టిచ‌డం.. అటుపై ప్ర‌తిప‌క్షాల అవినీతి ఆరోప‌ణ‌లు.. ఇత‌ర ర‌కాల స‌వాళ్లు ఎదుర్కుంటూ రాష్ట్రాన్ని ఎలా ముందుకు తీసుకెళ్లింది అన్న‌ది తె లియాలంటే ఈ సిరీస్ చూడాల్సిందే. రెండు భాగాలు మంచి విజ‌యం సాధించ‌డంతో మూడవ భాగంపై భారీ అంచ‌నాలున్నాయి. మ‌హారాణికి ప్ర‌త్యేక‌మైన అభిమానులు ఉన్నారు.
రిలీజ్ కోసం ఎంతో ఎగ్జైట్ మెంట్ తో ఎదురు చూస్తున్నారు. న‌టిగా త‌న ప్ర‌త్యేక‌త‌ను చాటుకున్న హ్యూమా ఖురేష్ ర‌చ‌యిత‌గానూ ప‌రిచ‌యం అవుతుంది. ఈ ఏడాది డిసెంబ‌ర్ లో ఆమె రాసిన ఓ న‌వ‌ల రిలీజ్ చేస్తుంది. ఆ గ‌డియ‌లు కోసం హ్యూమా ఎంతో ఎగ్టైట్ మెంట్ తో ఎదురు చూస్తుంది.
