స్పీడ్ పెంచుతున్న మహావీరుడు..

తమిళ్ నేచురల్ స్టార్ శివ కార్తికేయన్ హీరో గా ప్రేక్షకుల ముందుకి వచ్చిన చిత్రం మహావీరుడు. మడోన్నా అశ్విన్ దర్శకత్వంలో తెరకెక్కిన ఈ చిత్రం కామెడీ అండ్ యాక్షన్ బ్యాక్ డ్రాప్ కథతో థియేటర్స్ లోకి వచ్చింది. ఈ మూవీకి మొదటి రోజు నుంచి పాజిటివ్ టాక్ రావడంతో కలెక్షన్స్ పరంగా దూసుకుపోతోంది. ప్రపంచ వ్యాప్తంగా మొదటి మూడు రోజుల్లోనే ఈ మూవీ 50 కోట్ల గ్రాస్ అందుకోవడం విశేషం.

తమిళం లో అయితే బ్లాక్ బస్టర్ హిట్ తో కలెక్షన్స్ పరంగా కూడా ఈ మూవీ సునామీ సృష్టిస్తోంది. ఇక తెలుగు రాష్ట్రాలలో కూడా మహావీరుడు కి పోటీ ఇచ్చే సినిమాల లో కేవలం బేబీ మాత్రమే ఉంది. శివకార్తికేయన్ సినిమాలు ఇష్టపడే ప్రేక్షకులకి మహావీరుడు భాగా నచ్చేస్తోంది. దీంతో డీసెంట్ కలెక్షన్స్ తో మౌత్ టాక్ తో ఈ మూవీ జనాల్లోకి రీచ్ అవుతోంది.

రిలీజ్ అయిన మొదటి రోజు కంటే శని, ఆదివారాల లో మహావీరుడు కలెక్షన్స్ పరంగా మంచి రన్ చూపించింది. వీకెండ్ తర్వాత కూడా పాజిటివ్ టాక్ కారణంగా కలెక్షన్స్ మరింత పెరిగే అవకాశం ఉందని భావిస్తున్నారు. శివ కార్తికేయన్ ప్రిన్స్ మూవీ తర్వాత తెలుగు లో వస్తోన్న చిత్రం కావడంతో మహావీరుడు పై మంచి వైబ్ క్రియేట్ అయ్యింది.

దానికి తగ్గట్లుగానే శివ కార్తికేయన్ నుంచి ఆడియన్స్ ఎక్స్ పెక్ట్ చేసే అంశాలు పుష్కలంగా మూవీ లో ఉన్నాయి. ఈ మూవీ లో డైరెక్టర్ శంకర్ కూతురు అదితి శంకర్ హీరోయిన్ గా మెరిసింది. ఈ సినిమా ద్వారా తెలుగు ప్రేక్షకులకి కూడా ఆమె చేరువ అయ్యింది. యాక్షన్ కామెడీకి సూపర్ పవర్ ని కనెక్ట్ చేసి స్టొరీని కంప్లీట్ ఎంటర్టైన్మెంట్ యాంగిల్ లో చూపించడంతో ప్రేక్షకులకి భాగా కనెక్ట్ అయ్యింది.

ఈ చిత్రంతో శివ కార్తికేయన్ మరో హిట్ ని తన ఖాతాలో వేసుకున్నట్లే కనిపిస్తోంది. లాంగ్ రన్ లో 100 కోట్ల కలెక్షన్స్ ని అందుకునే అవకాశం ఉందని ట్రేడ్ పండితులు చెబుతున్నారు. ప్రిన్స్ ఆశించిన స్థాయి లో సక్సెస్ ని ఇవ్వలేదు. అయితే ఆ మూవీ శివ కార్తికేయన్ లో ఉండే ఫన్ పెర్ఫార్మెన్స్ కి తెలుగు ఆడియన్స్ కి భాగా చేరువ చేసింది. దీంతో ఇప్పుడు మహావీరుడు మూవీకి ప్రేక్షకుల నుంచి మంచి రెస్పాన్స్ వస్తోంది.