పిక్ టాక్‌ : మహేష్ కాదు మహేంద్ర సింగ్

టీం ఇండియా మాజీ కెప్టెన్‌ మహేంద్ర సింగ్ ధోనీ ఫ్యాషన్ ను ఎక్కువగా ఫాలో అవుతుంటాడు అనే విషయం ప్రత్యేకంగా చెప్పనక్కర్లేదు. రెగ్యులర్‌ గా హెయిర్‌ స్టైల్‌ మార్చడంతో పాటు, తాను నటించే ప్రతి కమర్షియల్‌ యాడ్‌ లో కూడా విభిన్నంగా కనిపించేందుకు ప్రయత్నాలు చేస్తూ ఉంటాడు.

తాజాగా ధోనీ కొత్త లుక్ సర్‌ప్రైజింగ్‌ గా ఉంది. ఆయన ఏదైనా కమర్షియల్‌ యాడ్‌ కోసం కొత్త లుక్ కి మారాడా లేదంటే నార్మల్‌ గానే కొత్త లుక్ ట్రై చేస్తున్నాడా అనే విషయం పై క్లారిటీ లేదు కానీ, తాజా లుక్ మాత్రం భలే ఉందే అన్నట్లుగా అందరితో ప్రశంసలు దక్కించుకుంటుంది.

ఈ ఫోటోలను చూడగానే కొన్ని సెకన్ల పాటు మహేష్ బాబు ఫోటోలా అన్నట్లుగా ఉన్నాయంటూ చాలా మంది కామెంట్స్ చేస్తున్నారు. మహేష్ బాబు కాదు మహేంద్ర సింగ్‌ ధోనీ అంటూ రియలైజ్ అవ్వడానికి సమయం పడుతుందని ఫోటోలను ధోనీ అభిమానులు తెగ షేర్ చేస్తున్నారు.

మహేంద్ర సింగ్ ధోనీ మోడలింగ్ లో సుదీర్ఘ కాలంగా రాణిస్తున్నాడు. ఆట లో ఉన్న సమయంలో కూడా గ్యాప్‌ లో కమర్షియల్‌ యాడ్స్ లో కనిపించడం కోసం మోడలింగ్‌ చేసేవాడు అనే టాక్‌ ఉంది. ఇప్పుడు పూర్తి సమయం ఇలా మోడలింగ్‌ కి కేటాయిస్తే హీరో లను సైతం ధోనీ పక్కకు నెట్టవచ్చు కదా అనే అభిప్రాయం వ్యక్తం అవుతుంది.

వయసు పెరుగుతున్న కొద్ది ధోనీ స్టిఫ్ గా అవ్వడంతో పాటు, చాలా హ్యాండ్సమ్‌ గా కనిపిస్తున్నాడు అంటూ ఆయన ఫ్యాన్స్ ముఖ్యంగా లేడీ ఫ్యాన్స్ తెగ పొగడ్తలు కురిపిస్తున్నారు. ముందు ముందు ధోనీని వెండి తెరపై హీరోగా చూడాలని కోరుకుంటున్నాం అంటూ ఈ ఫోటోలను షేర్ చేస్తూ కొందరు అభిప్రాయం వ్యక్తం చేస్తున్నారు.