SSMB29: మహేష్ మాయం చేయడం గ్యారెంటీ..

సూపర్ స్టార్ మహేష్ బాబు నెక్స్ట్ రాజమౌళి దర్శకత్వంలో SSMB29 సినిమా చేయడానికి రెడీ అవుతోన్న సంగతి తెలిసిందే. రాజమౌళి ఇప్పటికే ఈ మూవీ స్క్రిప్ట్ వర్క్ కంప్లీట్ చేశారు. ప్రీప్రొడక్షన్ వర్క్ కూడా స్టార్ట్ అయినట్లు తెలుస్తోంది. అయితే సినిమా అఫీషియల్ గా లాంచ్ చేయాల్సి ఉంది. ఈ సినిమా కోసం హాలీవుడ్ నిర్మాణ సంస్థతో రాజమౌళి చర్చలు జరుపుతున్నట్లు టాక్ బయటకొచ్చింది.

ఈ చిత్రాన్ని హాలీవుడ్ రేంజ్ లో తెరకెక్కించాలని జక్కన్న ప్లాన్ చేస్తున్నారంట. అందుకే హాలీవుడ్ నిర్మాణ సంస్థతో సంప్రదింపులు జరుపుతున్నారంట. ఇదిలా ఉంటే ఈ మూవీ స్టార్ట్ అయ్యేలోపు సూపర్ స్టార్ మహేష్ బాబు వీలైనంత ఎక్కువ సమయం ఫ్యామిలీతో స్పెండ్ చేయడానికి కేటాయిస్తున్నారు. ఒకసారి మూవీ షూటింగ్ మొదలైతే కనీసం రెండేళ్లు కాల్ షీట్స్ జక్కన్నకి ఇచ్చేయాల్సి ఉంటుంది.

ఆ సమయంలో ఫ్యామిలీతో ఎక్కువ టైం స్పెండ్ చేసే అవకాశం రాకపోవచ్చు. అందుకే సూపర్ స్టార్ మహేష్ సమయం దొరికిన ప్రతిసారి బాబు భార్య, పిల్లలతో విదేశాలకి టూర్స్ వెళ్తున్నారు. మహేష్ బాబు తనయుడు గౌతమ్ న్యూయార్క్ లో చదువుకుంటున్నాడు. అతని బర్త్ డే సెలబ్రేషన్స్ కోసం మహేష్ బాబు, నమ్రత, సితార న్యూయార్క్ వెళ్లారు. అక్కడ మూడు రోజుల క్రితం కొడుకు పుట్టిన రోజు వేడుకలు చేశారు.

ఇంకా న్యూయార్క్ లోనే మహేష్, నమ్రత ఉన్నారు. ఇద్దరు కలిసి న్యూయార్క్ వీధుల్లో జాలీగా తిరుగుతూ షాపింగ్ చేస్తున్నారు. న్యూయార్క్ స్ట్రీట్ లో మహేష్, నమ్రత కలిసి దిగిన ఫోటో ఇన్ స్టాగ్రామ్ లో వైరల్ అవుతోంది. నమ్రత ఈ ఫోటోని ఇన్ స్టాగ్రామ్ లో షేర్ చేశారు. జీవితానికి, కలలకి మధ్యలో ఎక్కడో న్యూయార్క్ లో అంటూ ఈ ఫోటోకి నమ్రత పోస్ట్ పెట్టారు. ఇదిలా ఉంటే ఈ ఫోటోలో మహేష్ బాబు ఫుల్ గెడ్డం, పొడవాటి జుట్టుతో చాలా స్టైలిష్ గా ఉన్నాడు.

ఇదివరకు ఏ సినిమాలో లేని కొత్త గెటప్ లో మహేష్ బాబు కనిపిస్తూ ఉండటం విశేషం. ఈ లుక్ చూస్తుంటే SSMB29లో మహేష్ బాబు ఏదో మాయ చేసేలా ఉన్నాడనే మాట వినిపిస్తోంది. కచ్చితంగా సూపర్ స్టార్ ఫ్యాన్స్ కి మాత్రమే కాకుండా సినీ అభిమానులు అందరికి కూడా జక్కన్న ఈ కొత్త చిత్రం ద్వారా సరికొత్త అనుభూతిని అందించబోతున్నాడని భావిస్తున్నారు.