బిగ్ బిజినెస్ మెన్ తో మహేష్.. ఈ లుక్ చూశారా

ప్ర‌ముఖ వ్యాపారవేత్త, రాజకీయ నాయకుడు JC పవన్ రెడ్డి ఇటీవల టాలీవుడ్ స్టార్స్ తో కలిసి మాల్దీవ్స్ కు వెళ్లారు. మరో ప‌్రముఖ వ్యాపార సంస్థ గ్రీన్ కో ఎండీ అనిల్ చలమలశెట్టి బ‌ర్త్ డే వేడుక సందర్భంగా వీరందరూ హాజరైనట్లు తెలుస్తోంది. పవన్ రెడ్డి, సినీ ప్రముఖులు చిరంజీవి, నాగార్జున, మహేష్ బాబు, రామ్ చరణ్, అఖిల్ వంటి స్టార్స్‌ తో కలిసి అందరితోను స్నేహ బంధాలు కలుపుకోవడంలో తన ప్రత్యేకతను చూపించారు.

JC పవన్ రెడ్డి ఒక సుప్రసిద్ధ వ్యాపారవేత్తగా మాత్రమే కాకుండా, టీడీపీ రాజకీయ రంగంలోనూ ప్రముఖ నాయకుడిగా ఉన్నారు. ఆయన జేసీ దివాకర్ రెడ్డి తనయుడు. అనిల్ చలమలశెట్టితో JC పవన్ రెడ్డి సన్నిహిత సంబంధాలుండటంతో, ఆయన ఆహ్వానం అందుకున్న వీరు ఈ వేడుకకు హాజరైనట్లు సమాచారం. టాలీవుడ్ స్టార్స్ తో ఒకే ఫ్రేమ్ లో కనిపిస్తూ, ఇటీవల JC పవన్ రెడ్డి ప్రభావాన్ని మరింత పెంచుకున్నారు.

ఈ బర్త్ డే వేడుకలో మహేష్ బాబు, నమ్రతతో పాటు అనిల్ కుటుంబంతో ఉన్న సన్నిహిత సంబంధాలు మరింత స్పష్టమవుతున్నాయి. ఫోటోలో మహేష్ బాబు మరియు JC పవన్ రెడ్డి అనుకున్నంత స్పెషల్ జెట్ లో లగ్జరీ వాతావరణంలో కలిసి ప్రయాణం చేస్తూ కనిపించారు. ఫెరారి క్యాప్ ధరించిన మహేష్ లుక్ విశేషంగా ఆకట్టుకుంది. ఈ ఫోటో సోషల్ మీడియాలో తెగ వైరల్ అయింది.

ఈ ట్రిప్ లో అక్కినేని మెగా ఘట్టమనేని ప్రముఖులు పాల్గొనడం విశేషం. చిరు, చరణ్, అఖిల్, ఉపాసన వంటి ప్రముఖులు కూడా ఉన్నారు. ఈ గ్యాంగ్ అంతా కలిసి మాల్దీవ్స్ బీచ్ పై ఆనందంగా ఎంజాయ్ చేసిన ఫొటోలు కూడా సోషల్ మీడియాలో చక్కర్లు కొడుతున్నాయి. ఈ వేడుక వారి స్నేహ బంధాలను మరింత బలపరుస్తోంది. ఇలాంటి ఈవెంట్స్ ద్వారా JC పవన్ రెడ్డి సినీ, రాజకీయ రంగాల మధ్య ఒక అనుబంధంగా నిలుస్తున్నారు.

ఇక మహేష్ నెక్స్ట్ రాజమౌళి దర్శకత్వంలో భారీ పాన్ వరల్డ్ సినిమాలో నటించబోతున్న విషయం తెలిసిందే. ఇప్పటికే సినిమా పాత్ర కోసం తన లుక్ ను కూడా మార్చుకుంటూ ఉన్నాడు. గతంలో ఎప్పుడూ లేనంతగా మహేష్ నిండుగా గడ్డంతో అలాగే సరికొత్త హెయిర్ స్టైల్ తో కనిపిస్తున్నాడు. ఇక ఈ ప్రాజెక్టు దాదాపు 1000 కోట్లకు పైగా భారీ బడ్జెట్ తో రూపొందబోతుంది. ఇక సినిమాకు సంబంధించిన రెగ్యులర్ షూటింగ్ అయితే వచ్చే ఏడాది మొదలుకానున్నట్లు సమాచారం. ప్రస్తుతం దర్శకుడు రాజమౌళి ప్రీ ప్రొడక్షన్ పనుల్లో చాలా బిజీగా ఉన్నాడు. త్వరలోనే ఒక ప్రెస్ మీట్ ద్వారా ఈ ప్రాజెక్టుపై స్పెషల్ గా అనౌన్స్మెంట్ ఇవ్వనున్నారు.