SSMB29: మహేష్ సైలెంట్ గానే..

సూపర్ స్టార్ మహేష్ బాబు రాజమౌళి దర్శకత్వంలో ఒక బిగ్ బడ్జెట్ పాన్ వరల్డ్ సినిమా చేయబోతున్న విషయం తెలిసిందే. ఆ సినిమా RRR కంటే హై రేంజ్ లో ఉంటుంది అని ఇదివరకే రచయిత విజయేంద్ర ప్రసాద్ కూడా తెలియజేశారు. దీంతో ఈ సినిమా ఎప్పుడు మొదలవుతుందా అని ఫ్యాన్స్ ఎంతో ఆతృతగా ఎదురుచూస్తున్నారు. ఇక ఈ సినిమాను అనౌన్స్ చేసి ఏడాదికి పైగానే అవుతుంది కానీ ఇప్పటివరకు మరొక అప్డేట్ అయితే ఇవ్వలేదు.

మధ్య మధ్యలో చాలా రకాల పుకార్లు పుట్టుకొచ్చాయి. ముఖ్యంగా విజయేంద్ర ప్రసాద్ ఈ సినిమా ఆఫ్రికన్ అడవుల్లో నేపథ్యంలో ఉంటుంది అని మహేష్ బాబు పవర్ ఫుల్ హీరోగా కూడా కనిపించబోతున్నాడు అని అన్నారు. ఇక అప్పటినుంచి అంచనాల స్థాయి ఆకాశాన్ని దాటేసింది. అయితే సినిమా అప్డేట్ మహేష్ పుట్టినరోజు లేదా రాజమౌళి బర్త్ డేకు అయినా ఉంటుందేమో అని అందరూ ఎదురు చూశారు.

కానీ కనీసం చిన్నపాటి ఊహకు కూడా తావు ఇవ్వకుండా రాజమౌళి మహేష్ ముందుకు కొనసాగుతున్నారు. నేడు రాజమౌళి పుట్టినరోజు కావడంతో మహేష్ బాబు విషెస్ చెప్పాడు. కానీ అసలు వీరి కాంబినేషన్లో రాబోయే ప్రాజెక్టు గురించి ఏ మాత్రం ప్రస్తావించలేదు. హ్యాపీ బర్త్ డే రాజమౌళి సార్ మీ సినిమా మెరుపులు ఇంకా చాలా ఏళ్లు కొనసాగాలని అనుకుంటున్నాను అని తెలియజేశాడు.

ఏదో నామ మాత్రంగా అసలు రాజమౌళితో సినిమా చేస్తున్న ఫీలింగ్ కూడా కలిగించకుండా మహేష్ బాబు చాలా సింపుల్ విషెస్ చెప్పి సోషల్ మీడియాలో సైడ్ అయిపోయాడు. దీంతో ఫ్యాన్స్ రాజమౌళి పుట్టినరోజున ఏదో ఒక హింట్ అయినా ఇవ్వాల్సింది అని అడుగుతున్నారు.

SSMB29 కి సంబంధించి ఇంకా స్క్రిప్ట్ కూడా సిద్ధం కాలేదని తెలుస్తోంది. అందుకే అప్పుడే ఆశలు పెంచకూడదు అని మహేష్ సైలెంట్ గా విషెస్ చెప్పేనట్లు తెలుస్తోంది. ప్రస్తుతం మహేష్ బాబు త్రివిక్రమ్ దర్శకత్వంలో గుంటూరు కారం అనే సినిమా చేస్తున్నాడు. ఈ సినిమా సంక్రాంతికి రానుంది. ఇక ఆ ప్రాజెక్టు తర్వాత సమ్మర్లో లేదా ఆ తర్వాత సీజన్లో రాజమౌళి ప్రాజెక్టును స్టార్ట్ చేసే అవకాశం ఉంది.