మ‌హేష్ యంగ్ లుక్‌కి ఈ సీనియ‌ర్ స్ఫూర్తి?

త‌న‌దైన ఛామ్, యంగ్ లుక్ తో సూప‌ర్ స్టార్ మ‌హేష్ ఎప్ప‌టికీ ఆశ్చ‌ర్య‌ప‌రుస్తూనే ఉన్నారు. వ‌య‌సు అర్థ సెంచ‌రీకి రెండు మాత్ర‌మే త‌క్కువ‌. అయినా ఇప్ప‌టికీ 25 ఏజ్ కుర్రాడిలా క‌నిపిస్తున్నారు మ‌హేష్‌. కొన్ని ఫోటోగ్రాఫ్స్ లో టీనేజీ బోయ్ గౌత‌మ్ కృష్ణ‌తో క‌లిసి క‌నిపించిన‌ప్పుడు అత‌డికి అన్న‌య్య‌లా కూడా క‌నిపిస్తున్నాడు. అయితే ఇంత‌టి ఛామ్ ఎలా మెయింటెయిన్ చేస్తున్నాడు మ‌హేష్‌? అంటే దాని సీక్రెట్ ని అత‌డే చెప్పేసాడు నిన్న రాత్రి యానిమ‌ల్ ప్రీరిలీజ్ ఈవెంట్లో.

మ‌హేష్ బాబు త‌న లుక్ విష‌యంలో అస్స‌లు రాజీకి రాడు. తినే ఆహారం, సేవించే పానీయాలు స‌హా ప్ర‌తిదాంట్లో అత‌డు తీసుకునే జాగ్ర‌త్త ఎంతో గొప్ప‌ది. అందులో డౌట్ లేదు. అంతేకాదు.. త‌న ముఖ‌వ‌ర్చ‌స్సును ఎంతో యంగ్ గా క‌నిపించేలా మెయింటెయిన్ చేయ‌డం కూడా ఆశ్చ‌ర్య‌ప‌రుస్తుంది. ఇక ఇదే వేదిక వ‌ద్ద సీనియ‌ర్ న‌టుడు అనీల్ క‌పూర్ 66 వ‌య‌సులో కూడా మ‌హేష్ కి అన్న‌లా త‌క్కువ వ‌యసు ఉన్న యువ‌కుడిలా క‌నిపించారు. అత‌డికి మ‌న‌వ‌ళ్లు కూడా ఉన్నారు. అయినా తాత‌లా కాకుండా అత‌డు ఇంకా చాలా యంగ్ గా క‌నిపించ‌డం ఆశ్చ‌ర్య‌ప‌రిచింది. అత‌డు వ‌య‌సుతో సంబంధం లేకుండా ఎంతో ఎన‌ర్జిటిక్ గా కూడా ఉన్నాడు. మ‌హేష్ ని వేదిక‌పైకి పిలిచి ఎంతో ఎన‌ర్జిటిక్ గా స్టెప్పులు వేసాడు. మ‌హేష్ సూప‌ర్ హిట్ పాట‌కు అనీల్ క‌పూర్ డ్యాన్సులు చేస్తూ ఎంతో జోష్ తో క‌నిపించారు.

అందుకే మ‌హేష్ ఇలా వేదిక‌పైకి రాగానే.. అనీల్ క‌పూర్ ని ఏజ్ లెస్ స్టార్ గా కొనియాడాడు. అంతేకాదు వ‌య‌సు పెర‌గ‌కుండా అనీల్ స‌ర్ ఏదో చేస్తున్నార‌ని, క్ర‌యోజెనిక్ ల్యాబ్ లో ఉంటున్నారా? అని కూడా విన‌య‌పూర్వ‌కంగా జోక్ చేసారు. క‌పూర్ స‌ర్ కి తొలుత కొంత అర్థం కాక‌పోయినా కానీ, ఆ త‌ర్వాత క్ర‌యోజెనిక్ ల్యాబ్ అన‌గానే వెంట‌నే ఆయ‌న కూడా ప‌క‌ప‌కా న‌వ్వేసారు. అనీల్ స‌ర్ ఎప్ప‌టికీ త‌న‌కు స్ఫూర్తి అని కూడా మ‌హేష్ అన్నారు.

ఇక అనీల్ క‌పూర్ ఇప్ప‌టికీ బాలీవుడ్ లో వ‌య‌సుతో సంబంధం లేకుండా స్టార్ డ‌మ్ ని ఆస్వాధిస్తుండ‌డం ఆశ్చ‌ర్య‌క‌రం. ఆయ‌న‌తో పాటు వ‌చ్చిన చాలా మంది న‌టులు ప‌రిశ్ర‌మ‌లో క‌నిపించ‌లేదు. కానీ అనీల్ క‌పూర్ ఇప్ప‌టికీ వ‌రుస చిత్రాల్లో క్రేజీ పాత్ర‌ల్లో న‌టిస్తున్నారు. మొత్తానికి యానిమ‌ల్ వేదిక లెజెండ‌రీల క‌ల‌యిక‌కు వేదిక‌గా మారింది. ఎస్.ఎస్.రాజ‌మౌళి-మ‌హేష్- అనీల్ క‌పూర్ - బాబి డియోల్ వంటి ప్ర‌ముఖుల‌తో సందీప్ రెడ్డి వంగా లాంటి 3 సినిమాల కిడ్ క‌నిపించాడు. ర‌ణ‌బీర్ క‌థానాయ‌కుడిగా అనీల్ క‌పూర్ కీల‌క పాత్ర‌లో సందీప్ రెడ్డి వంగా తెర‌కెక్కించిన యానిమల్ డిసెంబ‌ర్ 1న విడుద‌ల కానుంది.