అంతరిక్షాన్ని తాకిన మహేశ్ క్రేజ్.. సూపర్ స్టార్ ఫ్యాన్స్ వేరయా!

సూపర్ స్టార్ మహేష్ బాబు నేడు( ఆగస్ట్ 9) తన 48వ పుట్టిన రోజు వేడుకలు జరుపుకుంటున్న సంగతి తెలిసిందే. తెలుగు రాష్ట్రాల్లోన్ని ఆయన అభిమానులు.. పుట్టిన రోజు వేడుకలను గ్రాండ్ గా సెలెబ్రేట్ చేస్తున్నారు. కేక్ కట్ చేసి సంబరాలు చేసుకుంటూ తమ అభిమానాన్ని చాటుకుంటున్నారు.

సోషల్ మీడియాలోను మహేశ్ పేరును ట్రెండ్ చేస్తూ.. తెగ సంబరాలు జరుపుకొంటున్నారు. అయితే అభిమానులందరూ యందు మహేశ్ అభిమానులు వేరయా అనిపించే విధంగా ఫ్యాన్స్ ఓ అద్భుత సర్ప్రైజ్ ను ఇచ్చారు. మహేష్ బాబు కోసం ఏకంగా మైండ్ బ్లోయింగ్ గిఫ్ట్ ను అందజేశారు.

మహేశ్ పేరుపై ఏకంగా అంతరిక్షంలో ఓ నక్షత్రాన్ని కొనుగోలు చేసి రిజిస్టర్ చేయించారు. ఈ స్పెషల్ గిఫ్ట్ తో మహేశ్ 48వ పుట్టినరోజును ఎంతో ప్రత్యేకంగా మార్చేసి..సోషల్ మీడియా లో హాట్ టాపిక్ గా మారారు. మహేశ్ అభిమానులు చేసిన ఈ పని చూసి ఇతర హీరోల ఫ్యాన్స్ తో పాటు టాలీవుడ్ సెలెబ్రటీలు కూడా ఆశ్చర్యపోతున్నారు.

ఇతర హీరో ఫ్యాన్స్, సోషల్ మీడియా యూజర్స్.. మహేశ్ బాబుకి ఆయన అభిమానులు మధ్య అనుభందం ఎలాంటిదో చెప్పడానికి ఇదే నిదర్శనమని అంటున్నారు. మహేశ్ బాబు క్రేజ్ అంతరిక్షానికి చేరింది అంటూ నెటిజన్లు, ఫ్యాన్స్ సంబరపడుతున్నారు.

ప్రస్తుతం సోషల్ మీడియా లో అభిమానులు..రిజిస్టర్ చేయించిన మహేశ్ పేరు మీద ఉన్న నక్షత్రం సర్టిఫికెట్ తెగ ట్రెండ్ అవుతోంది. స్టార్ రెజిస్త్రేషన్ సంస్థ ఈ సర్టిఫికెట్ జారీ చేసినట్లు తెలుస్తోంది.ఈ సర్టిఫికెట్ లో నక్షత్రం వివరాలు కూడా ఉన్నాయి. 'RA: 12h 33m 29s DEC: +69deg 47' 17.6' కోఆర్డినేట్స్ లో మహేశ్ బాబు పేరుతో నక్షత్రానికి రిజిస్టర్ చేసినట్లు సర్టిఫికెట్ లో ఉంది.

కాగా, మహేశ్ ప్రస్తుతం..పాన్ ఇండియా హీరోగా ఎదిగేందుకు ప్రయత్నాలు చేస్తున్నారు. ప్రస్తుతం త్రివిక్రమ్ దర్శకత్వంలో గుంటూరు కారం చిత్రంలో నటిస్తున్నారు. ఈ చిత్రంలో శ్రీలీల, మీనాక్షి చౌదరి హీరోయిన్లుగా నటిస్తున్నారు. దీని తర్వాతే దర్శకధీరుడు రాజమౌళి దర్శకత్వంలో ఓ భారీ పాన్ వరల్డ్ సినిమా చేస్తున్నారు.