సైంధవ్‌ వేడుక.. మహేష్ ఫ్యాన్స్ ఆశలు అడియాశలు

వెంకటేష్ హీరోగా రూపొందిన సైంధవ్ సినిమా సంక్రాంతి కానుకగా రాబోతున్న విషయం తెల్సిందే. వెంకీ కి సైంధవ్‌ 75వ సినిమా అవ్వడంతో మేకర్స్ భారీ ఎత్తున ఈవెంట్ ను నిర్వహించారు. ఈటీవీ మీడియా భాగస్వామిగా జరిగిన సైంధవ్‌ వేడుకలో చిరంజీవి, బాలకృష్ణ, నాగార్జున, మహేష్ బాబు ఇంకా పలువురు యువ హీరోలు హాజరు అవ్వబోతున్నారు అనే ప్రచారం జరిగింది.

ఈటీవీ కి సంబంధించిన సోషల్ మీడియా ప్లాట్‌ ఫామ్స్ పై పెద్ద ఎత్తున హీరోలు కలియుగ పాండవులు టు సైంధవ్‌ పేరుతో జరుగబోతున్న కార్యక్రమంలో పాల్గొనబోతున్నారు అంటూ ప్రచారం చేశారు. దాంతో మహేష్ బాబు ఫ్యాన్స్ తో పాటు అందరు హీరోల ఫ్యాన్స్ పాస్ ల కోసం చాలా కష్టపడ్డారు.. చాలా మార్గాల ద్వారా పాస్ లు సంపాదించి చాలా దూరం నుంచి కార్యక్రమంలో పాల్గొనేందుకు హాజరు అయ్యారు.

సైంధవ్ వేడుకలో మహేష్ బాబు పాల్గొనక పోవడం తో ఫ్యాన్స్ అసంతృప్తి వ్యక్తం చేశారు. సీతమ్మ వాకిట్లో సిరిమల్లె చెట్టు తో ఉన్న అనుబంధం కారణంగా మహేష్ బాబు కచ్చితంగా హాజరు అయ్యేవాడు. కానీ గుంటూరు కారం సినిమా షూటింగ్‌ ముగింపు దశకు వచ్చింది. విడుదల తేదీ దగ్గర పడుతున్న సమయంలో షూటింగ్‌ కు బ్రేక్ ఇవ్వలేని పరిస్థితి నెలకొంది.

షూటింగ్ ను ముగించే ఉద్దేశ్యంతో మహేష్ బాబు సైంధవ్‌ వేడుకలో పాల్గొనలేదు. దూరం నుంచి వచ్చిన మహేష్‌ బాబు ఫ్యాన్స్ తీవ్ర అసంతృప్తి వ్యక్తం చేస్తున్నారు. మహేష్ బాబు వస్తాడు అంటూ ప్రచారం చేయడం వల్ల మేము ఎన్నో వ్యయప్రయాసలకు ఓర్చి ఇక్కడకు వచ్చాము. కానీ ఇలా చేశారు ఏంటి అంటూ వారు వేదిక వద్ద నిర్వాహకులపై ఆగ్రహం వ్యక్తం చేశారు.

కలియుగ పాండవులు టు సైంధవ్‌ కార్యక్రమంలో మహేష్ బాబు తో పాటు ఇంకా పలువురు హీరోలు పాల్గొనాల్సి ఉన్నా కూడా అంతా కూడా చాలా మంది హీరోలు వేరు వేరు కారణాల వల్ల కార్యక్రమంకు హాజరు అవ్వలేదు. కానీ చిరంజీవి మరియు నాని మాత్రం కార్యక్రమంలో పాల్గొన్నారు. ఆదివారం నాడు ఈటీవీ విన్ లో ఈ కార్యక్రమం స్ట్రీమింగ్‌ అవ్వబోతుంది.