బాడీ పెంచేస్తున్న మహేష్.. వైల్డ్ లుక్

సూపర్ స్టార్ మహేశ్​ బాబును గ్రీకు వీరుడిగా పోల్చే అభిమానులు చాలా మందే ఉన్నారు. ఆయన అందం చూసి అసూయ, ఈర్ష్య వంటివి వ్యక్తం చేసే ప్రేక్షకులు కూడా ఉన్నారు. అంతెందుకు హీరో హీరోయిన్లలో కూడా చాలా మంది.. మహేశ్ అందం కొంచెం తమకు ఇస్తే బాగుంటుందని సరదాగా చెప్పిన వాళ్ళు ఉన్నారు.

అయితే మహేశ్ ఇలా ఉండటానికి కారణం.. జీన్స్‌తో పాటు ఆయన కష్టం కూడా దాగి ఉంది. రెగ్యులర్​గా డైట్ ఫాలో అవుతారు. జిమ్ అండ్​ వర్కౌట్స్​ క్రమం తప్పకుండా చేయడం ఆయన అలవాటు. అందుకే, ఎప్పుడూ సేమ్ ఫిజిక్ మైంటైన్ చేస్తూ ఫిట్​ అండ్ గ్లామర్​గా కనిపిస్తుంటారు. సోషల్ మీడియాలో వాటికి సంబంధించిన ఫొటోలను షేర్ చేస్తూ అభిమానుల్లో స్ఫూర్తిని నింపుతుంటారు.

తాజాగా మరోసారి తాను వర్కౌట్ చేస్తున్న ఫోటోను మహేశ్ పోస్ట్ చేశారు. బ్లాక్ అండ్ వైట్ కలర్ ఫొటోలో ఆర్మ్స్ ఎక్స్‌ర్‌సైజ్స్ చేస్తూ కనిపించారు. ఆ పిక్​లో బైసెప్స్ బాగా కనపడుతున్నాయి. హార్డ్ వర్క్ విషయానికి వస్తే నలుపు తెలుపు అంటూ ఏమీ ఉందడు. దానిని మరింత మెరుగ్గా తీర్చిదిద్దడమే!! అంటూ వ్యాఖ్య రాసుకొచ్చారు.

ప్రస్తుతం ఆయన నటిస్తున్న గుంటూరు కారం సినిమాతో పాటు తర్వాత చేయబోయే రాజమౌళి సినిమాలోని ఫిజిక్ కోసం ఇప్పటి నుంచే తెగ కష్టపడుతున్నారని చాలా రోజుల నుంచి అభిమానులు అభిప్రాయపడుతున్నారు. కానీ మహేశ్.. తాను ఏ సినిమా కోసమో కాదని, రెగ్యులర్​గానే తాను ఈ వర్కౌట్స్ చేస్తున్నట్లు ఆ మధ్య చెప్పుకొచ్చారు.

ఇక మహేశ్ నటిస్తున్న గుంటూరు కారం సినిమా విషయానికొస్తే.. ప్రస్తుతం ఈ చిత్రం శరవేగంగా షూటింగ్ జరుపుకుంటోంది. శ్రీలీల, మీనాక్షి చౌదరి హీరోయిన్లుగా నటిస్తున్నారు. త్రివిక్రమ్​ దర్శకత్వం వహిస్తున్నారు. వచ్చే ఏడాది 2024 సంక్రాంతికి కానుకగా సినిమా గ్రాండ్​గా ప్రేక్షకుల ముందుకు రానుంది. పక్కా మాస్ ఎంటర్​టైనర్​గా చిత్రాన్ని తీర్చిదిద్దుతున్నారు. హారిక అండ్ హాసిని క్రియేషన్స్ సినిమాను నిర్మిస్తోంది. ఇక దీని తర్వాత మహేష్ బాబు రాజమౌళి సినిమా కోసం మరింత బలంగా సిద్ధంగా కానున్నాడు. ఆ ప్రాజెక్టు వచ్చే ఏడాది సమ్మర్లో మొదలయ్యే అవకాశం ఉంది.