అల్లుడి రక్తపాతంపై మామ ఇంట్రస్టింగ్ కామెంట్స్‌

రణబీర్‌ కపూర్‌ హీరోగా సందీప్ వంగ దర్శకత్వంలో రూపొంది గత సంవత్సరం ప్రేక్షకుల ముందుకు వచ్చిన యానిమల్ సినిమా సంచలన విజయాన్ని సొంతం చేసుకుంది. దాదాపుగా రూ. వెయ్యి కోట్ల వసూళ్లను సొంతం చేసుకున్న యానిమల్‌ సినిమా పై ఏ స్థాయి లో ప్రేక్షకులు ప్రశంసలు కురిపించారో అదే స్థాయిలో కొందరు విమర్శలు కూడా చేశారు. ఒక తండ్రి కొడుకు మధ్య సాగే కథ ను ఇంత హింసాత్మకంగా చూపించాల్సిన అవసరం ఏముంది అంటూ ప్రశ్నిస్తున్నారు. సోషల్‌ మీడియాలో సినిమా విడుదల సయమంలో యానిమల్‌ సినిమా ను ఓ స్థాయిలో విమర్శించిన వారు చాలా మందే ఉన్నారు.

యానిమల్‌ సినిమాను ఇప్పటికి కూడా చాలా మంది విమర్శిస్తూ కామెంట్స్ చేస్తూ ఉంటే, మరి కొందరు ఆ సినిమా పై ప్రశంసలు కురిపిస్తూ హింసను సమర్థిస్తున్న వారు ఉన్నారు. తాజాగా రణబీర్ కపూర్‌ మామ గారు అయిన ప్రముఖ ఫిల్మ్‌ మేకర్‌ మహేష్ భట్‌ స్పందించాడు. యానిమల్‌ సినిమాలోని హింసను ఆయన సమర్థించాడు. సినిమాలో మేకర్స్ ఏం చూపించినా కూడా అది ప్రేక్షకుల వినోదం కోసమే అనే విషయాన్ని గుర్తించాలి. ప్రేక్షకులు ఎంజాయ్ చేసే విధంగా సినిమాలను తీయాలనే ఉద్దేశ్యంతో ఒకొక్కరు ఒక్కో విధంగా సినిమాలను తీయడం జరుగుతుంది.

కథ ఏదైనా కూడా దర్శకుడు దాన్ని ప్రేక్షకుడికి తనదైన శైలిలో చెప్పాలనే ఉద్దేశ్యంతో స్క్రిప్ట్‌, స్క్రీన్‌ ప్లే రాసుకుంటారు. యానిమల్ దర్శకుడు ఈ తరహా స్క్రీన్‌ ప్లేను రాసుకున్నాడు. అందులో తప్పు పట్టాల్సిన అవసరం ఏమీ లేదు. ఏ రంగంలో అయినా విమర్శించే వారు ఉంటారు. ఆ విమర్శలను పట్టుకుని ఆలోచనలో పడితే ముందుకు సాగలేం. మన ప్రయత్నంను మనం చేసుకుంటూ వెళ్లాలి, మన పని మనం చేసుకుంటూ వెళ్లాలి. అప్పుడే మనకు విజయాలు దక్కుతాయి, చాలా మంది ముందుకు వెళ్లే వాళ్లని కిందకు లాగేందుకు ప్రయత్నిస్తూ ఉంటారు. ప్రేక్షకులు విజయాలను అందిస్తున్నారు కనుక వాటిని పట్టించుకోవాల్సిన అవసరం లేదు అన్నారు.

యానిమల్‌ సినిమా లో రణబీర్‌ కపూర్ ను దర్శకుడు సందీప్ వంగ చూపించిన తీరుకు చాలా మంది ఫిదా అయ్యారు. అనీల్‌ కపూర్‌ కీలక పాత్రలో నటించిన యానిమల్‌ సినిమాలో హీరోయిన్‌ గా రష్మిక మందన్న నటించింది. హింసాత్మక సన్నివేశాలు మాత్రమే కాకుండా రొమాన్స్ కూడా ఎక్కువ అయ్యిందని విమర్శించిన వారు ఉన్నారు. కథకు తగ్గట్లుగా తాను అనుకున్నట్లు స్క్రీన్‌ ప్లేను సాగించడం కోసం దర్శకుడు సందీప్ వంగ తన సినిమాలో అలాంటి ఎలిమెంట్స్ ను కామన్‌ గా పెడుతూ వస్తున్నాడు. ప్రస్తుతం సందీప్ వంగా స్పిరిట్‌ కథ ను ప్రభాస్ కోసం రెడీ చేస్తున్నాడు. స్పిరిట్ తర్వాత యానిమల్‌ పార్క్ సినిమాను మళ్లీ రణబీర్ కపూర్‌ తో సందీప్ వంగ చేయబోతున్నాడు.