మహేష్ ఫ్యాన్స్ అసంతృప్తికి కారణం అదే..!

సూపర్ స్టార్ ఫ్యాన్స్ అంతా మహేష్ బర్త్ డేని చాలా గ్రాండ్ గా నిర్వహిస్తారు. ఆగష్టు 9 వచ్చింది అంటే ఫ్యాన్స్ అంతా చేసే హంగామా ఒక రేంజ్ లో ఉంటుంది. శుక్రవారం మహేష్ బర్త్ డే రోజు ఫ్యాన్స్ అంతా కూడా మురారి రీ రిలీజ్ థియేటర్ లో సందడి తెలిసిందే. ఏకంగా కొందరు క్రేజీ ఫ్యాన్స్ అయితే పెళ్లిల్లు కూడా చేసుకున్నారు. తెలుగు రెండు రాష్ట్రాల్లో నిన్న మహేష్ ఫ్యాన్స్ హంగామా అంతా సోషల్ మీడియాని దున్నేసింది. ఐతే ఇన్ని చేసినా సరే సూపర్ స్టార్ ఫ్యాన్స్ డిజప్పాయింట్ గా ఉన్నారు.

మహేష్ ఫ్యాన్స్ అసంతృప్తికి కారణం ఆయన నెక్స్ట్ సినిమా గురించి ఎలాంటి అప్డేట్ రాకపోవడమే. మహేష్ నెక్స్ట్ సినిమా రాజమౌళి డైరెక్షన్ లో వస్తుంది. ఆ సినిమా నుంచి ఏదైనా అప్డేట్ వస్తుందేమో అని ఫ్యాన్స్ ఈగర్ గా వెయిట్ చేశారు. అనౌన్స్ మెంట్ కాదు కదా రాజమౌళి కనీసం మహేష్ కి బర్త్ డే విష్ చేస్తూ ట్వీట్ కూడా చేయలేదు. బహుశా మహేష్ కి డైరెక్ట్ గా కాల్ చేసి విష్ చేసి ఉండొచ్చు కానీ ఫ్యాన్స్ కి కావాల్సింది అది కాదు.

మహేష్ రాజమౌళి సినిమా నుంచి బర్త్ డే నాడు కచ్చితంగా ఒక క్రేజీ అప్డేట్ అయితే వస్తుందని భావించిన ఫ్యాన్స్ తీవ్ర నిరాశకు గురయ్యారు. అసలు రాజమౌళి ఏం చేస్తున్నాడు. ఎందుకు సినిమా గురించి కనీసం ఒక్క హింట్ కూడా ఇవ్వట్లేదని ఫ్యాన్స్ కంగారు పడుతున్నారు. ఈ సినిమాను త్వరగా పూర్తి చేయాలనే ఉద్దేశంతో ఉన్న రాజమౌళి సినిమా అనౌన్స్ మెంట్ కే ఇంత లేట్ ఎందుకు చేస్తున్నాడంటూ డౌట్లు మొదలయ్యాయి.

ఓ పక్క మహేష్ ఈ సినిమా కోసం తన పూర్తిస్థాయి మేకోవర్ చూపిస్తున్నాడు. లాంగ్ హెయిర్, గుబురు గడ్డం మహేష్ లుక్ తోనే వావ్ అనిపించేందుకు రెడీ అవుతున్నాడు. ఫారెస్ట్ అడ్వెంచర్ బ్యాక్ డ్రాప్ తో రాబోతున్న మహేష్ 29వ సినిమా ఫ్యాన్స్ కి మంచి ఐ ఫీస్ట్ అందిస్తుందని అంటున్నారు. మరి ఈ సినిమా పై అనౌన్స్ మెంట్ ఎప్పుడు సినిమా సెట్స్ మీదకు ఎప్పుడు వెళ్తుంది అన్నది చూడాలి.