మహేష్ నిర్ణయాలన్నీ మంచివే...!

సూపర్ స్టార్ మహేష్‌ బాబు గుంటూరు కారం సినిమా విషయంలో తీసుకున్న నిర్ణయాల పట్ల కొందరు అసంతృప్తి వ్యక్తం చేస్తున్నారు. దర్శకుడు త్రివిక్రమ్‌ ఎంపిక చేసిన హీరోయిన్‌ పూజా హెగ్డేని కాదు అని ఆ స్థానం లో శ్రీలీలను నటింపజేయడం అనేది మహేష్‌ బాబు నిర్ణయం అనే విషయం తెల్సిందే. ఇక సంగీత దర్శకుడి విషయం లో కూడా మహేష్ నిర్ణయమే తుది నిర్ణయంగా టాక్‌ వినిపిస్తోంది.

ఇక మహేష్‌ బాబు స్క్రిప్ట్‌ విషయంలో.. షూటింగ్‌ విషయంలో కూడా పలు కీలక ఇన్‌ పుట్స్‌ ఇచ్చాడని.. మహేష్ నిర్ణయాల వల్లే సినిమా షూటింగ్‌ ఆలస్యం అవుతుంది అంటూ వార్తలు వస్తున్నాయి. సోషల్‌ మీడియాలో మహేష్ బాబు నిర్ణయాల గురించి విమర్శలు చేస్తున్న వారికి ఆయన ఫ్యాన్స్‌ తగిన ఉదాహరణలతో కౌంటర్‌ ఇస్తూ ఉన్నారు.

మహేష్ బాబు ఈ మధ్య కాలంలో చాల మెచ్యూర్డ్‌ గా ఆలోచిస్తున్నాడు. కనుక ఆయన తీసుకునే ప్రతి నిర్ణయం కూడా మంచిదే అన్నట్లుగా అభిప్రాయం వ్యక్తం అవుతోంది. మహేష్‌ బాబు ఆ మధ్య ఒక తమిళ్‌ స్టార్ దర్శకుడు రెండేళ్లు తన చుట్టూ తిరిగినా కూడా ఆయన దర్శకత్వంలో నటించేందుకు ఓకే చెప్పలేదు. తీరా ఆ సినిమా ను వేరే వారితో తీసిన ఆ దర్శకుడికి నిరాశే మిగిలింది.

ఆ సినిమాలో మహేష్‌ బాబు నటించి ఉంటే ఇప్పుడు దక్కిన సక్సెస్‌ కూడా దక్కి ఉండేది కాదు. ఆ విషయం తనకు తెలుసు. అందుకే మహేష్‌ బాబు ముందే కథ తనకు నప్పదు అంటూ మంచి నిర్ణయం తీసుకున్నాడు. అంతే కాకుండా ప్రస్తుతం పూజా హెగ్డే క్రేజ్‌ గురించి తెల్సిందే. అలాంటి హీరోయిన్ ను నటింపజేయడం కంటే కొత్త హీరోయిన్‌ శ్రీలీల ను నటింపజేస్తే బాగుంటుందని మహేష్‌ తీసుకున్న నిర్ణయం కూడా సానుకూల ఫలితాన్ని ఇవ్వబోతుంది. కనుక మహేష్ ఏ నిర్ణయం తీసుకున్నా కూడా సినిమా హిట్‌ కే... ఫ్యాన్స్ ని మెప్పించడానికే అంటూ ఫ్యాన్స్‌ కొందరు సోషల్‌ మీడియా ద్వారా కామెంట్స్ చేస్తున్నారు.