SSMB29: ఇక ఆ పనిలోనే బిజీబిజీగా..

రాజమౌళితో సినిమా అంటే ఒక మూడేళ్లు కంప్లీట్ గా అతనితో కలిసి జర్నీ చేయడానికి రెడీ కావాల్సిందే. బాహుబలి సిరీస్, ఆర్ఆర్ఆర్ లతో పాన్ ఇండియా ట్రెండ్ క్రియేట్ చేసి సక్సెస్ కొట్టిన రాజమౌళి ఇప్పుడు పాన్ వరల్డ్ పై ఫోకస్ చేశారు. ఆర్ఆర్ఆర్ మూవీకి ఇంటర్నేషనల్ లెవల్ లో గుర్తింపు రావడంతో సూపర్ స్టార్ మహేష్ బాబుతో చేయబోతున్న ప్రాజెక్ట్ ని పాన్ వరల్డ్ మూవీగా సిద్ధం చేయబోతున్నారు.

ఈ మూవీ స్క్రిప్ట్ వర్క్ కంప్లీట్ అయ్యిందంట. రీసెంట్ గా కీరవాణి ఈ విషయాన్ని కన్ఫర్మ్ చేశారు. మూవీలో సూపర్ స్టార్ మహేష్ బాబు క్యారెక్టర్ చాలా పవర్ ఫుల్ గా ఉండబోతోందని, హాలీవుడ్ లెవల్ లో వరల్డ్ వైడ్ గా ప్రేక్షకులకి కనెక్ట్ అయ్యే విధంగా ఆ పాత్ర ఉంటుందంట. దానికోసం రాజమౌళి ప్రత్యేకంగా లుక్ టెస్ట్ చేస్తున్నారంట. డిఫరెంట్ లుక్స్ ని ఆ క్యారెక్టర్ కోసం జక్కన్న ప్రయత్నం చేస్తున్నట్లు టాక్ వినిపిస్తోంది.

ప్రస్తుతం మహేష్ బాబు, రాజమౌళి అదే పనిలో బిజీగా ఉన్నారంట. లుక్ టెస్ట్ కంప్లీట్ అయితే మహేష్ బాబు దానికి తగ్గట్లు మేకోవర్ అవ్వడానికి రెడీ అవుతున్నారు. నెక్స్ట్ వర్క్ షాప్ స్టార్ట్ అవ్వనుందని టాక్ వినిపిస్తోంది. దీంతో పాటు స్టోరీబోర్డు వర్క్ కూడా జరుగుతుందంట. ఈ సినిమా కోసం హాలీవుడ్ యాక్టర్స్ ని రాజమౌళి రంగంలోకి దించుతున్నారనే టాక్ ఉంది. ఇండియన్ సిల్వర్ స్క్రీన్ పై అత్యధిక బడ్జెట్ తో ఈ చిత్రాన్ని కెఎల్ నారాయణ నిర్మించబోతున్నారు.

700+ కోట్ల బడ్జెట్ ఈ మూవీకి ఖర్చు అవుతుందని ప్రాథమిక అంచనా. సినిమా షూటింగ్ మొత్తం అమెజాన్ ఫారెస్ట్ బ్యాక్ డ్రాప్ లో ఉంటుందంట. వరల్డ్ అడ్వాంచర్ ట్రావెలర్ గా సూపర్ స్టార్ మహేష్ బాబు ఈ చిత్రంలో కనిపిస్తాడంట. అతనికి జోడీగా కూడా హాలీవుడ్ హీరోయిన్ ని తీసుకునే ఛాన్స్ ఉందంట. అడ్వాంచర్ ట్రావెలర్ పాత్ర కావడంతో కొత్తగా యూనిక్ గా ఉండాలని రాజమౌళి అనుకుంటున్నారంట.

ఇప్పటి వరకు ఇండియన్ స్క్రీన్ పై కనిపించని లుక్, ఆహార్యంలో మహేష్ ని చూపించాలని జక్కన్న భావిస్తున్నారంట. అందుకే కోసమే లుక్ టెస్ట్ కోసం ప్రత్యేకంగా వర్క్ చేస్తున్నట్లు టాక్ వినిపిస్తోంది. ఎంఎం కీరవాణి ఈ చిత్రానికి సంగీతం అందించనున్నారు. ఇండియన్ స్టార్ యాక్టర్స్ ని కూడా మూవీలో కీలక పాత్రల కోసం ఎంపిక చేసే అవకాశం ఉందని తెలుస్తోంది.