సందీప్ - మహేష్ కాంబో.. అప్పుడే..

అర్జున్ రెడ్డితో దర్శకుడిగా టాలీవుడ్ లోకి అడుగుపెట్టిన సందీప్ రెడ్డి వంగా తరువాత బాలీవుడ్ లోకి వెళ్లి కబీర్ సింగ్ తో సూపర్ హిట్ కొట్టారు. అర్జున్ రెడ్డి రీమేక్ గానే ఆ సినిమా తెరకెక్కింది. ఇప్పుడు రణబీర్ కపూర్ తో యానిమల్ మూవీ చేస్తున్నాడు. ఈ సినిమా డిసెంబర్ లో రిలీజ్ కాబోతోంది. భారీ బడ్జెట్ తో పాన్ ఇండియా ప్రాజెక్ట్ గానే ఈ చిత్రం తెరకెక్కుతోంది. అర్జున్ రెడ్డి తర్వాత టాలీవుడ్ లో ఇప్పటి వరకు తన నెక్స్ట్ సినిమాని సందీప్ రెడ్డి చేయలేదు.

అప్పట్లో సూపర్ స్టార్ మహేష్ బాబుతో ఒక సినిమా కన్ఫర్మ్ అయ్యిందనే ప్రచారం జరిగింది. కానీ అది ముందుకి వెళ్ళలేదు. తరువాత బాలీవుడ్ లో కబీర్ సింగ్ మూవీ చేశారు. అర్జున్ రెడ్డి సినిమాని కంప్లీట్ గా లవ్ స్టోరీతో చేసిన సందీప్ రెడ్డి నెక్స్ట్ సినిమాలు మాత్రం పవర్ ఫుల్ యాక్షన్ కాన్సెప్ట్ లతో చేయబోతుండటం విశేషం.

తెలుగులో ఒక్క సినిమాకే పరిమితం అయిన ఇప్పుడు సందీప్ రెడ్డి వరుస మూడు సినిమాలని స్టార్ హీరోలతో కన్ఫర్మ్ చేసుకొని ఉన్నాడు. యంగ్ రెబల్ స్టార్ ప్రభాస్ తో స్పిరిట్ మూవీని ఇప్పటికే ఎనౌన్స్ చేశాడు. వచ్చే ఏడాది ఆ చిత్రం సెట్స్ పైకి వెళ్లనుంది. దాని తర్వాత అల్లు అర్జున్ తో టి-సిరీస్ లో భారీ ప్రాజెక్ట్ ని కూడా ప్రకటించారు. యాక్షన్ బ్యాక్ డ్రాప్ కథతోనే ఈ మూవీ చేయనున్నాడు.

ఇప్పుడు సూపర్ స్టార్ మహేష్ బాబుకి కూడా ఒక కథ చెప్పి ఫైనల్ చేసుకున్నాడంట. మహేష్ బాబు ప్రస్తుతం గుంటూరు కారం మూవీ చేస్తున్నాడు. దీని తర్వాత రాజమౌళి దర్శకత్వంలో సినిమా స్టార్ట్ కానుంది. పాన్ వరల్డ్ రేంజ్ లో ఆ చిత్రం తెరకెక్కనుంది. దాని తర్వాత సందీప్ రెడ్డితో మూవీ చేయడానికి సూపర్ స్టార్ మహేష్ బాబు ఒకే చెప్పారంట. ఈ న్యూస్ ఇప్పుడు సోషల్ మీడియాలో వైరల్ అవుతోంది.

మొత్తానికి తెలుగులో అర్జున్ రెడ్డి తర్వాత ఆరేళ్ళ గ్యాప్ తీసుకుంటున్న కూడా బ్యాక్ టూ బ్యాక్ అతని లైన్ అప్ లో స్టార్ హీరోలే ఉండటం విశేషం. ప్రస్తుతం చేస్తోన్న యానిమల్ సినిమా మీద కూడా ఎక్స్ పెక్టేషన్స్ హైలోనే ఉన్నాయి.ఈ సినిమా సక్సెస్ కొడితే నెక్స్ట్ ప్రభాస్ తో చేయబోయే మూవీపైన కూడా అంచనాలు అమాంతం పెరిగిపోతాయి.