మహేష్ .. ఒక్క లుక్కుతో మైండ్ బ్లాక్
సూప‌ర్ స్టార్ మహేష్ బాబు త‌దుప‌రి చిత్రంలో ఎలా క‌నిపించ‌బోతున్నాడు? .. తెలుసుకోవాల‌ని అభిమానుల్లో క్యూరియాసిటీ అంత‌కంత‌కు పెరుగుతోంది
By: Tupaki Desk | 8 March 2024 4:30 AM GMT
సూప‌ర్ స్టార్ మహేష్ బాబు త‌దుప‌రి చిత్రంలో ఎలా క‌నిపించ‌బోతున్నాడు? .. తెలుసుకోవాల‌ని అభిమానుల్లో క్యూరియాసిటీ అంత‌కంత‌కు పెరుగుతోంది. ద‌ర్శ‌క‌ధీరుడు రాజ‌మౌళి అత‌డిని మునుప‌టి కంటే కొత్త‌గా మల్టీ లుక్స్‌లో ఎలివేట్ చేయ‌నున్నాడని క‌థ‌నాలొస్తున్నాయి. SSMB29 కోసం మహేష్ ఇలాంటి ఛాలెంజ్ తీసుకున్నారు. ఈ చిత్రంలో మహేష్ పొడవాటి జుట్టు గడ్డంతో రగ్గడ్ లుక్‌లో కనిపించనున్నాడని క‌థ‌నాలొచ్చాయి. ఈ నేపథ్యంలో మహేష్ తన లేటెస్ట్ ఫోటోను సోషల్ మీడియాలో పోస్ట్ చేసి అభిమానులను ఆశ్చర్యంలో ముంచెత్తాడు.
ఈ ఫోటోగ్రాఫ్ లో మహేష్ హాలీవుడ్ స్టార్ టామ్ క్రూజ్‌ ని త‌ల‌పిస్తున్నాడు. అత‌డు పొడవాటి జుట్టుతో మినిమైజ్డ్ గడ్డంతో కనిపించాడు. మహేష్ బాబు డెనిమ్ షర్ట్‌తో పాటు తెలుపు రంగు టీషర్ట్‌ను ధరించాడు. మహేష్ బాబు వాస్త‌వ వయస్సులో కనిపించడం లేదని ఈ లుక్ చూడ‌గానే అభిమానులు కామెంట్ చేస్తున్నారు. ఒక్క‌డు, పోకిరి రోజుల‌ను తిరిగి గుర్తు చేస్తున్నాడ‌ని, మహేష్ బాబు ఎంతో యంగ్ గా క‌నిపిస్తున్నాడ‌ని అభిమానులు వ్యాఖ్యానిస్తున్నారు.
మహేష్ ఇటీవల 'గుంటూరు కారం' చిత్రంలో కనిపించాడు. ఈ సినిమా యావ‌రేజ్ గా ఆడింది. త్రివిక్రమ్ దర్శకత్వం వహించిన ఈ చిత్రం ప్రేక్షకుల అంచనాలను అందుకోలేకపోయినప్పటికీ మహేష్ బాబు నటన, చమత్కారం ఆక‌ర్ష‌ణ‌గా నిలిచాయి. మహేష్ స్టార్ ప‌వ‌ర్, ఛ‌రిష్మా ఈ చిత్రానికి మంచి థియేట్రికల్ పెర్ఫార్మెన్స్‌కు సహాయపడింది.
