ఇది మార్స్ వ‌ర్సెస్ వీనస్ లాంటిది: మాళవిక
తాజా ఇంట‌ర్వ్యూలో మాళవిక పాత్రల ఎంపిక స‌హా, బాలీవుడ్ లో మొదటి ప్ర‌య‌త్నం 'యుధ్రా' గురించి చాలా విషయాలు చెప్పింది.
By: Tupaki Desk | 23 Sep 2024 3:30 PM GMT
మాళవిక మోహనన్ తమిళ, మలయాళ చిత్ర పరిశ్రమలలో న‌టించి ఇప్పుడు తెలుగు- హిందీ చిత్ర‌సీమ‌ల్లోను స‌త్తా చాటాల‌ని ఉవ్విళ్లూరుతోంది. ప్రతిభావంతురాలైన నటి సెప్టెంబర్ 20న థియేటర్లలోకి వచ్చిన యాక్షన్-ప్యాక్డ్ మూవీ యుధ్రాతో అధికారికంగా బాలీవుడ్‌లోకి అడుగుపెట్టింది. రాజా సాబ్ తో త్వ‌ర‌లో టాలీవుడ్ లోను అడుగుపెడుతోంది. తాజా ఇంట‌ర్వ్యూలో మాళవిక పాత్రల ఎంపిక స‌హా, బాలీవుడ్ లో మొదటి ప్ర‌య‌త్నం 'యుధ్రా' గురించి చాలా విషయాలు చెప్పింది.
మాళవిక ఇటీవల ప్రధానంగా తమిళ సినిమాపై దృష్టి సారించినప్పటికీ ప్రస్తుతం తెలుగు ప్రాజెక్ట్‌లో కూడా పని చేస్తోంది. సినిమాల ఎంపిక విధానంపైనా ఇలా వివరించింది, ''గతంలో నాకు చాలా సినిమాల్లో న‌టించే అవ‌కాశాలు వచ్చాయి. కానీ ఘ‌న‌మైన ప్రకటనల కోసం సంతకం చేయడాన్ని నేను ఎప్పుడూ నమ్మలేదు. నేను ఎల్లప్పుడూ పాత్రతో కనెక్ట్ అవ్వడం లేదా స్క్రిప్ట్‌తో కనెక్ట్ అవ్వడం గురించి ఆలోచించాను'' అని తెలిపింది. ఈ తత్వశాస్త్రమే టాలీవుడ్ బాలీవుడ్ లో డిలే అవ్వ‌డానికి కార‌ణ‌మ‌ని ఇప్పుడు అర్థం చేసుకోవ‌చ్చు. ఎట్టకేలకు ప్ర‌భాస్ తో రాజా సాబ్, సిద్ధాంత్ తో 'యుధ్రా' స‌రైన ఎంపిక‌లుగా మాళవిక భావించింది. ఈ రెండిటిలోను త‌న‌కు న‌టిగా నిరూపించుకునేందుకు అవ‌కాశం ఉంద‌ని భావించింద‌ట.
యుధ్రాకు ఆమెను ఆకర్షించిన విషయం ఏమిటో కూడా వెల్ల‌డించింది. మాళవిక చిత్ర నిర్మాణ సంస్థ ఎక్సెల్ ఎంటర్‌టైన్‌మెంట్‌కు క్రెడిట్ ఇచ్చింది. నేను మొదట్లో మేకర్స్‌ను ప్రేమిస్తాను. ఎక్సెల్ సంస్థ దిల్ చాహ్తా హై, డాన్, టు లక్ష్య, ఆపై జిందగీ నా మిలేగీ దొబారా వంటి క్రేజీ చిత్రాలను రూపొందించింది. నేను అలాంటి వారితో పని చేయాలనుకున్నాను.. ఈ బ్యాన‌ర్ వేవ్ లెంగ్త్ నాకు నచ్చింది. ఈ సంస్థ‌లో ఎల్లప్పుడూ మంచి చిత్రాలను నిర్మించారు. అవి వాణిజ్యపరంగా కూడా మంచి ఆదరణ పొందాయి. కాబట్టి అది నాకు పెద్ద ఎర వంటిది.. అని తెలిపింది. సిద్ధాంత్ గల్లీ బాయ్ లో అద్భుతంగా న‌టించాడు. అత‌డి ప్ర‌తిభ‌ను ఇష్ట‌ప‌డ్డాను కాబట్టి యుద్రాను అంగీక‌రించాను అని తెలిపింది. ఇది నాకు మంచి ప్రాజెక్ట్ అనిపించింది. తన బాలీవుడ్ అరంగేట్రం గురించి ఉత్సాహంగా ఉద్వేగంగా ఉన్నాన‌ని అంది. నేను అనేక విధాలుగా భయాందోళనతో పాటు ఉత్సాహంగా ఉన్నాను. మిశ్రమ భావోద్వేగాలు ఉన్నాయి. మేము చాలా కాలం వేచి ఉన్నాము. కొంత కాలంగా ఈ ప్రాజెక్ట్‌పై పని చేస్తున్నాము. ఇది ఎట్టకేలకు బయటకు వస్తోంది. ఇది నా మొదటి అవుట్ అండ్ అవుట్ బాలీవుడ్ చిత్రం. ఉద్వేగంగా ఉన్నాను. చాలా విషయాలు అనుభూతి చెందుతున్నాను.. అని మాళవిక అంది.
మాళవిక భారీ బడ్జెట్ చిత్రాలకు పూర్తిగా కొత్త కాదు. ఇటీవల తమిళ సూపర్ స్టార్ చియాన్ విక్రమ్ సరసన తంగలన్ చిత్రంలో నటించింది. తంగలన్- యుధ్రాలో పాత్రలను పోల్చి చూస్తే ఇవి రెండూ పూర్తి భిన్నమైనవి. రెండు ప్రపంచాలు భిన్నమైనవి. తంగలన్‌లో నేను గిరిజన దేవతగా నటించాను. యుధ్రాలో నేను సిటీ అమ్మాయిగా నటించాను. ఇది మార్స్ వ‌ర్సెస్ వీనస్ లాంటిది. తంగలన్ కోసం తీవ్రమైన శారీరక మేకోవ‌ర్ చూపించాను.. జిమ్నాస్టిక్స్ , స్టిక్ ఫైటింగ్ నేర్చుకుంది. అయితే యుధ్రా తన హిందీని మెరుగుపర్చాలని కోరింది. ఎందుకంటే మాళవిక ముంబై యాసకు అల‌వాటు ప‌డాల్సి ఉంది. ప‌లు ప్రాంతీయ పరిశ్రమలలో పనిచేస్తున్నప్పటికీ వారికి బాలీవుడ్ కి పెద్ద‌గా తేడాలు కనిపించలేదు. నేను ప్రత్యేకంగా సూచించగలిగే పెద్ద తేడా ఏమీ లేదు అని తెలిపింది.
యుధ్రాలో సిద్ధాంత్ చతుర్వేదితో కలిసి పని చేయడం గురించి కూడా మాట్లాడింది. యాక్షన్ సీక్వెన్స్‌లలో అతడు ఎంతో శ్ర‌మించాడ‌ని తెలిపింది. భవిష్యత్తును దృష్టిలో ఉంచుకుని మాళవిక విభిన్న శైలులను, ముఖ్యంగా శృంగార చిత్రాలను అన్వేషించాలని తన కోరికను వ్యక్తం చేసింది. నాకు యాక్షన్ చేయడం చాలా ఇష్టం, కానీ అది కొంచెం సాంకేతికంగా ఉంటుంది. నాకు నిజంగా ఆసక్తి కలిగించేది డ్రామా.. అది శృంగారభరితమైన లేదా మరేదైనా కావచ్చు. నేను నిజంగా అవుట్ అండ్ అవుట్ రొమాంటిక్ సినిమా చేయాలనుకుంటున్నాను అని కూడా తెలిపింది.
