ఆ విషయంలో ప్రభాస్‌ను తెగ పొగిడేస్తున్న మలయాళీ బ్యూటీ..

ఇప్పుడిప్పుడే తెలుగు సినీ ఇండస్ట్రీలో మంచి క్రేజ్ తెచ్చుకుంటున్న మలయాళం ముద్దుగుమ్మ మాళవిక మోహనన్. రజనీకాంత్ పేట, విజయ్ మాస్టర్ లాంటి సినిమాలలో గుర్తింపు తెచ్చుకున్న ఈ అమ్మడు విక్రమ్ నటించిన ‘తంగలాన్’మూవీతో ప్రేక్షకులను బాగా మెప్పించింది. ఇక త్వరలో ప్రభాస్ రాజా సాబ్ చిత్రంతో టాలీవుడ్‌లో అడుగు పెట్టబోతోంది. ఈ నేపథ్యంలో ఈ బ్యూటీ ప్రభాస్‌కి సంబంధించి చేసిన కొన్ని వ్యాఖ్యలు వైరల్ అవుతున్నాయి.

అనుష్క దగ్గర నుంచి శ్రద్ధ కపూర్ వరకు.. ప్రభాస్‌తో నటించిన ఏ హీరోయిన్ అయినా బాగా పాపులర్ అయ్యారు. అలాగే తన లక్‌ని ట్రై చేసుకోవడానికి రాజా సాబ్ చిత్రంతో వస్తున్న మరొక బ్యూటీ మాళవిక మోహన్. కల్కి మూవీ సక్సెస్ తరువాత ప్రభాస్ నటిస్తున్న చిత్రాలపై టాలీవుడ్ తో పాటు వరల్డ్ మార్కెట్లో అంచనాలు పెరిగాయి. దీంతో ప్రభాస్ పక్కన ఆఫర్ వచ్చిన ఏ హీరోయిన్ అయినా లక్కీ అన్న మాట ఇండస్ట్రీలో బలంగా వినిపిస్తోంది.

మారుతి దర్శకత్వంలో తెరకెక్కుతున్న హారర్ కామెడీ థ్రిల్లర్ మూవీ ‘ది రాజా సాబ్’ లో మునుపెన్నడూ చూడని విధంగా ప్రభాస్‌ని చూడబోతున్నాం. ఇప్పటికే చిత్రం నుంచి విడుదలైన వింటేజ్ ప్రభాస్ లుక్స్ సోషల్ మీడియాలో వైల్డ్ ఫైర్ లాగా స్ప్రెడ్ అయ్యాయి. ‘తంగలాన్’ఫ్రీ రిలీజ్ ఈవెంట్‌లో కూడా ప్రభాస్ గురించి మాట్లాడిన మాళవిక.. ప్రభాస్ తన అమ్మలాగ భోజనం అద్భుతంగా పంపించాడు అని తెగ పొగిడేసింది. మాళవిక మాత్రమే కాదు ప్రభాస్‌తో పని చేసిన ఏ సెలబ్రిటీ అయినా అతను పెట్టే భోజనం, చూపించే ఆదరణ గురించి మాట్లాడకుండా ఉండరు.

అయితే ఇప్పుడు మాళవిక చెప్పిన మాటలు ప్రభాస్ అభిమానులను మరింత ఖుష్ చేస్తున్నాయి. తాజాగా ‘తంగలాన్’మూవీ పూర్తిచేసుకుని ‘ది రాజా సాబ్’ చిత్రం షూటింగ్లో జాయిన్ అయిన మాళవిక..’కల్కి చిత్రం విడుదలకు ముందు కూడా నేను ప్రభాస్‌తో కలిసి పని చేశాను. అయితే కల్కి మూవీ సక్సెస్ తర్వాత అతనిలో ఎంతో కొంత మార్పు కనిపిస్తుందేమో అని అనుకున్నాను. కానీ అంత పెద్ద బ్లాక్ బస్టర్ హిట్ సాధించి కూడా ప్రభాస్‌లో ఎలాంటి మార్పు లేకపోవడం నాకు చాలా ఆశ్చర్యాన్ని కలిగిస్తుంది. ఆయన అప్పుడు ఎలా ఉన్నారో.. ఇప్పుడు అలాగే ఉన్నారు. అసలు ఇలా ఉండడం ఎవరి వల్ల కాదు. కానీ ఆయనలో ఎనర్జీ మాత్రం ఏ మాత్రం తగ్గలేదు..’అని ప్రభాస్ నిరాడంబరత గురించి మరొకసారి చెప్పుకొచ్చింది ఈ బ్యూటీ. ఈ మూవీని ‌ హాట్ సమ్మర్ కూల్ ట్రీట్‌గా ప్రేక్షకుల ముందుకు తీసుకురావడానికి మేకర్స్ ప్లాన్ చేస్తున్నారు.