130 సినిమాల్లో ఆ జోడీ... ఇది వ‌ర‌ల్డ్ రికార్డు!

ఇప్పుడు హీరో-హీరోయిన్ల కాంబినేష‌న్లు ఎలా ఉన్నాయో తెలిసిందే. హిట్ కాంబినేష‌న్ అయితే మ‌హా అయితే మూడు..నాలుగు సినిమాలు చేసే అవ‌కాశం ఉంటుంది. అంత‌కుమించి ఆ కాంబినేష‌న్ ని క‌ల‌పాలంటే ద‌ర్శ‌కుడు కూడా బోర్ ఫీల‌వుతాడు. కొత్త కాంబినేష‌న్ అయితే బాగుంటుంద‌ని కొత్త భామ‌ల్ని తెర‌పైకి తెస్తారు. ఒక వేళ ఫెయిల్ అయితే గ‌నుక ఆ కాంబినేష‌న్ అన్న‌ది మ‌ళ్లీ క‌నిపించ‌దు.

ఇది చాలా ప‌రిశ్ర‌మ‌లో ఉన్న అన‌వాయితీనే. ముఖ్యంగా సౌత్ ఇండ‌స్ట్రీలో ఈ సెంటిమెంట్ ఎక్కువ‌గా క‌నిపిస్తుంటుంది. అలాంటి ఓ హీరో-హీరోయిన్ ఏకంగా 130 సినిమాల్లో న‌టించారంటే ఎంత మంది న‌మ్ముతారు? చ‌స్తే న‌మ్మ‌రు. కానీ ఇది న‌మ్మాల్సిన నిజం . న‌మ్మి తీరాల్సిందే. అవును ప‌ది కాదు..ఇర‌వై కాదు..మూప్పై కాదు ఏకంగా 130 సార్లు ఆ హీరో, హీరోయిన్ క‌లిసి న‌టించారు.

ఇంత‌కీ ఎవ‌రా ఇంట్రెస్టింగ్ జోడీ అంటే వివ‌రాల్లోకి వెళ్లాల్సిందే. మ‌ల‌యాళ నటులు ప్రేమ్ న‌జీర్- షీలా జంట‌గా 130 సినిమాల్లో న‌టించారు. 1962-81 మ‌ధ్య కాలంలో జ‌రిగింది ఇది. ఆ త‌ర్వాత మ‌ళ్లీ ఇలా ఇన్ని సినిమాల్లో మ‌రే జోడీ క‌లిసి న‌టించ‌లేదు. దీంతో ఈ జోడీ అప్ప‌ట్లోనే గిన్నీస్ వ‌ర‌ల్డ్ రికార్డులోకి ఎక్కారు. సూప‌ర్ జోడీగా పేరు ద‌క్కించుకున్నారు. వీళ్లిద్ద‌రు క‌లిసి న‌టించిన 50 సినిమాలైతే అప్ప‌ట్లో బ్లాక్ బ‌స్ట‌ర్ అయ్యాయి.

మ‌రికొన్ని సినిమాలు హిట్..యావ‌రేజ్ గా ...బిలో ఎవ‌రేజ్....ప్లాప్ చిత్రాలుగా రికార్డులు న‌మెదు చేసాయి. ప్ర‌పంచ సినిమా చ‌రిత్ర‌లోనే ఇంత‌వ‌ర‌కూ ఇలా జ‌రిగి ఉండ‌దు. ఆ ర‌కంగా భార‌తీయ చిత్ర ప‌రిశ్ర‌మ వ‌ర‌ల్డ్ లోనూ అప్ప‌ట్లోనే సంచ‌ల‌నం న‌మోదు చేసింద‌నొచ్చు. ఇక ఇప్పుడు హీరో-హీరోయిన్లు ఎలా సినిమాలు చేస్తున్నారు? అన్న‌ది తెలిసిందే.