రాత్రికి వ‌స్తావా అని న‌టికి ఫోన్ చేసేవార‌ట‌!

సినీప‌రిశ్ర‌మ‌లో అవ‌కాశాలు రావాలంటే క‌మిట్ మెంట్ త‌ప్ప‌నిస‌రి అని చాలా మంది క‌థానాయిక‌లు బ‌హిరంగంగా వ్యాఖ్యానించారు. కొంద‌రు బ‌య‌టికి చెప్ప‌క‌పోయినా ఇంచుమించు అదే అనుభ‌వం మెజారిటీ న‌టీమ‌ణుల‌కు ఉంది. ఇక కెరీర్ ఆరంభ‌మే బోల్డ్ పాత్ర‌ల‌తో నాటీ బ్యూటీగా పాపుల‌రైన మ‌ల్లికా శెరావ‌త్ కి అడ్వాన్సులు ఇచ్చిన‌ ప‌లువురు ఫిలింమేక‌ర్స్ త‌మ‌కు ఫేవ‌ర్ చేయాల‌ని కోరిన‌ట్టు తెలిపింది.

అయితే విలువ‌ల‌కు తిలోద‌కాలు ఇచ్చి తాను ప‌రిశ్ర‌మ‌లో కొన‌సాగ‌లేన‌ని, అందుకే చాలా ఆఫ‌ర్లు తిర‌స్క‌రించాన‌ని కూడా మ‌ల్లిక తెలిపింది. ఇటీవలే విక్కీ విద్యా కా వో వాలా వీడియోలో అతిధి పాత్రతో బాలీవుడ్‌లో పునరాగమనం చేసిన మల్లికా షెరావత్ ది రణ్‌వీర్ షో పోడ్‌కాస్ట్‌లో టెల్-ఆల్ ఇంటర్వ్యూలో చిత్ర పరిశ్రమ గురించి స్పష్టమైన ఆలోచనలను షేర్ చేసారు. పాత్రలను కోల్పోకుండా ఉండటానికి ఈ రంగంలో దౌత్యం చాలా ముఖ్య‌మ‌ని మ‌ల్లిక వ్యాఖ్యానించింది. పరిశ్రమలో విజయం సాధించాలంటే ముఖస్తుతి, బుజ్జగింపు కోసం ఉపయోగించే చెంచాగిరి నేర్చుకోవ‌డం త‌ప్ప‌నిస‌రి అని మ‌ల్లిక అంది.

బాలీవుడ్‌లో దౌత్యవేత్తగా ఉండాలి.. దౌత్యవేత్త కాకపోతే ప్రాజెక్ట్‌లను కోల్పోతారు. ప్రజలు మీ గురించి చెడుగా చెబుతారు. చెంచాగిరి అనేది ఇక్కడి ఆట పేరు. సాంప్రదాయ బాలీవుడ్ చాలా ఫార్ములాటిక్.. నేను హర్యానాకు చెందిన అమ్మాయిని... ఇవన్నీ చేయలేను..నేను వీటన్నింటికీ సిద్ధంగా లేను అని మ‌ల్లిక అంది. అంతేకాదు త‌మ‌కు ఫేవ‌ర్ చేయ‌మ‌ని అడిగిన ద‌ర్శ‌క‌నిర్మాత‌ల‌కు నిర్మొహ‌మాటంగా నో చెప్పాన‌ని కూడా మల్లిక తెలిపారు.

మల్లికా షెరావత్ తన బోల్డ్ ఆన్-స్క్రీన్ ఇమేజ్ కారణంగా బాలీవుడ్‌లో ఎదుర్కొన్న సవాళ్ల గురించి మాట్లాడుతూ.. త‌న సాహసోపేతమైన పాత్రల కారణంగా ఆఫ్-స్క్రీన్ అడ్వాన్స్‌లకు సిద్ధంగా ఉంటాన‌ని కొంద‌రు భావించారని తెలిపింది. తెర‌పై బోల్డ్‌నెస్ అంటే నిజ జీవితంలో వారిని కలుస్తుంద‌ని భావించి వారు రాత్రిపూట ఆమెకు కాల్ చేసేవారట‌. అయితే మల్లిక తన విలువలతో రాజీపడబోనని స్పష్టం చేసింది. వారి అడ్వాన్స్‌లను తిరస్కరించింది.

మల్లిక చివరిసారిగా 2022లో విడుదలైన RK/RKayలో కనిపించింది. అంతకు ముందు ఐదేళ్ల విరామం తీసుకుంది. ఇమ్రాన్ హష్మీకి జోడీగా మర్డర్‌తో పేరు తెచ్చుకుంది. బాలీవుడ్‌తో పాటు హాలీవుడ్ లోను న‌టించింది. హిస్స్, టైమ్ రైడర్స్ అండ్ డర్టీ పాలిటిక్స్ వంటి అంతర్జాతీయ ప్రాజెక్ట్‌లలో కూడా పనిచేసింది. మ‌ల్లిక‌ తదుపరి విక్కీ విద్యా కా వో వాలా వీడియోలో కనిపించింది.