రాజ్ తరుణ్ వివాదం లావణ్య ఓ క్రిమినల్ : మాల్వీ

టాలీవుడ్ యంగ్ హీరో రాజ్ తరుణ్, లావణ్య వివాదం.. రెండు తెలుగు రాష్ట్రాల్లో గత కొద్ది రోజులుగా హాట్ టాపిక్ గా మారింది. తనను రాజ్ తరుణ్ పెళ్లి చేసుకున్నారని, ఇద్దరం కాపురం చేశామని లావణ్య ఇటీవల ఆరోపించిన విషయం తెలిసిందే. వివాహం చేసుకుని అబార్షన్ కూడా చేయించాడని, హీరోయిన్ మాల్వీ మల్హోత్రాతో క్లోజ్ ఉండి తనను దూరం పెడుతున్నాడని ఆరోపణలు చేసింది. పోలీసులకు ఫిర్యాదు కూడా చేసింది.

అయితే లావణ్య ఫిర్యాదు అందుకున్న పోలీసులు.. కేసు నమోదు చేసుకుని విచారణ ప్రారంభించారు. రాజ్ తరుణ్ కు నోటీసులు పంపారు. ఇప్పటి వరకు లావణ్య వివాదంపై ఒక్కసారి స్పందించిన రాజ్ తరుణ్.. ఆమెతో ఎప్పుడో బ్రేకప్ అయిందని తెలిపారు. లావణ్య చేస్తున్నవన్నీ తప్పుడు ఆరోపణలు అని చెప్పారు. హీరోయిన్ మాల్వీ మల్హోత్రా కూడా లావణ్యపై కేసు పెట్టింది. తనకు రాజ్ తరుణ్ కు ఎలాంటి సంబంధం లేదని చెప్పింది.

తాజాగా తిరగబడరా స్వామి మూవీ ప్రమోషన్స్ లో భాగంగా మాల్వీ మల్హోత్రా.. లావణ్య విషయంపై స్పందించింది. ఆమె చేస్తున్న ఆరోపణలు చాలా దారుణంగా ఉన్నాయని తెలిపింది. తనతోపాటు తన సోదరుడిపై ఆమె చేసిన కామెంట్లకు ఇప్పటికే పోలీసులకు వివరణ ఇచ్చానని చెప్పింది. తాను ఎలాంటి తప్పు చేయలేదని వెల్లడించింది. ఇటీవల లావణ్య నాకు మెసేజ్ చేసిందని, అది కూడా పోలీసులకు చూపించానని చెప్పింది.

తాను గానీ, తన ఫ్యామిలీ గానీ ఒక్కసారి కూడా లావణ్యను కలవలేదని తెలిపింది మాల్వీ. కానీ ఆమె ఎందుకిలా చేస్తుందో తెలియడం లేదని చెప్పింది. తనపై ఇలాంటి ఆరోపణలు ఎందుకు చేస్తోందనని ఆవేదన వ్యక్తం చేసింది. గతంలో తనపై దాడి చేసిన వారితో క్రిమినల్స్ తో లావణ్య టచ్ లో ఉందని పేర్కొంది. ఆమె తనకు క్రిమినల్ తో సమానమని ఆరోపించింది. తన గురించి ఏం మాట్లాడనని, లీగల్ గా ప్రొసీడ్ అవుతానని తెలిపింది.

రాజ్ తరుణ్, మాల్వీ మల్హోత్రా హీరో హీరోయిన్లుగా నటించిన తిరగబడరా సామి మూవీ.. ఆగస్టు 2వ తేదీన థియేటర్లలో విడుదల కానుంది. ఈ రొమాంటిక్ యాక్షన్ డ్రామా మూవీకి రవి కుమార్ చౌదరి దర్శకత్వం వహిస్తున్నారు. సురక్ష ఎంట‌ర్టైన్మెంట్ మీడియా బ్యానర్‌ పై మల్కాపురం శివకుమార్‌ నిర్మిస్తున్నారు. మరి ఈ సినిమాతో రాజ్ తరుణ్, మాల్వీ ఎలాంటి హిట్ అందుకుంటారో వేచి చూడాలి.