మంచు విష్ణు.. ఇంతకన్నా బెస్ట్ కాంబో ఉంటుందా..

ఒకప్పుడు టాలీవుడ్ లో భక్తిరస చిత్రాలు చాలా వచ్చేవి. కానీ, ఈ మధ్యకాలంలో అలాంటి సినిమాలు చాలా తగ్గిపోయాయనే చెప్పొచ్చు. రీసెంట్ గా ప్రభాస్ ఆదిపురుష్ తో ఓ ప్రయోగం చేశాడు. కానీ, అది పెద్దగా ఆకట్టుకోలేకోయింది. అయితే, ఈ సారి మంచు హీరో విష్ణు ఈ సారి భక్త కన్నప్ప అనే సినిమా తో ప్రేక్షకుల ముందుకు రావడానికి రెడీ అయ్యారు.

ఈ మూవీని ఆయన చాలా ప్రతిష్టాత్మకంగా తీసుకున్నారు. భారీ బడ్జెట్ తో కూడా తెరకెక్కిస్తున్నారు. భక్త కన్నప్ప సినిమాలో శివుడు పాత్ర ఉంటుందనే విషయం తెలిసిందే. అయితే, ఆ శివుడి పాత్ర కోసం ప్రభాస్ ని ఎంచుకోవాలని మంచు విష్ణు భావిస్తున్నారట. ఈ మేరకు నెట్టింట ప్రస్తుతం ప్రచారం జరుగుతోంది. శివుడిగా గతంలో ప్రభాస్ పెదనాన్న కృష్ణం రాజు అదరగొట్టారు. ఇప్పుడు ఈ పాత్రను ప్రభాస్ బాగా చేయగలడు అని మూవీ టీమ్ భావిస్తున్నట్లు తెలుస్తోంది.

ఇక, పార్వతీ దేవి పాత్రకు లేడీ సూపర్ స్టార్ నయనతారను కూడా ఎంచుకోవాలని అనుకుంటున్నారు. గతంలో సీత పాత్రలో నయనతార అద్భుతంగా నటించింది. అందుకే, ఆమెను పార్వతీ దేవిగా తీసుకోవాలని అనుకున్నారట. ఈ మేరకు ఆమెను సంప్రదించారని కూడా తెలుస్తోంది. అయితే, దీనిపై ఇప్పటి వరకు అధికారిక ప్రకటన అయితే లేదు.

మరి, ఈ ఫాత్రలు చేయడానికి ప్రభాస్, నయనతార లు అంగీకరిస్తారో లేదో చూడాలి. ఇదిలా ఉండగా, గతంలో ప్రభాస్ , నయన తారలు యోగి సినిమాలో కలిసి నటించారు. ఈ సినిమా ప్రేక్షకుల ముందుకు వచ్చి దాదాపు 16 సంవత్సరాలు అవుతోంది. తల్లి సెంటిమెంట్ తో సాగే కథ ఇది. అయితే, పెద్దగా ఆకట్టుకోలేకపోయింది. ఆ తర్వాత మళ్లీ వీరిద్దరూ కలిసి నటించింది లేదు.

ఇక, భక్త కన్నప్ప విషయానికి వస్తే, మహాభారత హిందీ సీరియల్ కి దర్శకత్వం వహించిన డైరెక్టర్ మఖేష్ కుమార్ సింగ్, ఈ సినిమాకి కూడా దర్శకత్వం అందించనున్నారు. ఇక, ప్రముఖ రచయితలు పరుచూరి గోపాలకృష్ణ, సాయి మాధవ్, తోట ప్రసాద్ కథను అందించగా, మణిశర్మ మ్యూజిక్ అందిస్తున్నారు.