మంచు విష్ణు సినిమా కోసం 600 మంది క్రూ!

మంచు విష్ణు కెరియర్ లో హైబడ్జెట్ ఫిలిం గా పాన్ ఇండియా లెవల్ లో తెరకెక్కుతోన్న మూవీ భక్త కన్నప్ప. శ్రీకాళహస్తిలో జరిగిన నిజ జీవిత కథ ఆధారంగా చేసుకొని భక్త కన్నప్ప సినిమాని సిల్వర్ స్క్రీన్ పై గ్రాండ్ గా ఆవిష్కరించే ప్రయత్నం చేస్తున్నారు. మంచు విష్ణు తన హోమ్ బ్యానర్ లోనే హైవాల్యూమ్ లో సిల్వర్ స్క్రీన్ పై దీనిని ఆవిష్కరించేందుకు సిద్ధమయ్యారు. తాజాగా ఈ మూవీ న్యూజిలాండ్ లో గ్రాండ్ గా షూటింగ్ స్టార్ట్ చేశారు.

అద్భుతమైన ప్రకృతి సుందర్ దృశ్యాల మధ్య కన్నప్ప షూటింగ్ స్టార్ట్ అయిన విషయాన్ని మంచు విష్ణు ట్విట్టర్ లో పేర్కొన్నాడు. అలాగే న్యూజిలాండ్ లో ఏకంగా 600 మంది క్రూ సినిమా కోసం పని చేస్తున్నారు. వారు త్యాగాలు, ప్రాజెక్ట్ పై నమ్మకంతో వారందరూ చేస్తోన్న పనికి కృతజ్ఞతలు తెలియజేశారు. కచ్చితంగా ఇదొక అద్భుతమైన మూవీ అవుతుందని ఆశాభావం వ్యక్తం చేశాడు.

కన్నప్ప చేయాలనే నా కల ఏడు సంవత్సరాల తర్వాత నెరవేరబోతోంది. దీనికి ఆ శివపార్వతుల ఆశీర్వాదం ఉందని నమ్ముతున్నాను అంటూ విష్ణు ట్వీట్ చేశారు. ఇప్పుడు ఈ ట్వీట్ వైరల్ అవుతోంది. ఇక మూవీలో శివుడి పాత్రలో యంగ్ రెబల్ స్టార్ ప్రభాస్ కనిపించబోతున్నాడంట. ఈ విషయం బయటకి రావడంతో మూవీపై అంచనాలు అమాంతం పెరిగిపోయాయి. ఇక పార్వతీదేవి పాత్రలో నాయనతార కనిపించబోతోందని సమాచారం.

చిత్రంలో కథ పరంగా కొంత ఫిక్షనల్ జోడించి శివ, పార్వతుల పాత్రలకి కూడా మంచి స్కోప్ ఉండేలా ప్లాన్ చేశారంట. అందుకే ఖర్చుకి ఎక్కడా వెనుకాడటం లేదని తెలుస్తోంది. భక్త కన్నప్ప చిత్రంతో నటుడిగా తన స్థాయిని పెంచుకోవడంతో పాటు పాన్ ఇండియా బ్రాండ్ క్రియేట్ చేసుకోవాలని మంచు విష్ణు భావిస్తున్నారు.

ఈ మూవీతో మహాభారతంతో పాటు మరికొన్ని ఇతిహాస కథలతో సీరియల్స్ చేసిన బాలీవుడ్ స్టార్ మేకర్స్ ముఖేష్ కుమార్ సింగ్ కన్నప్ప సినిమాతో టాలీవుడ్ లోకి అడుగుపెడుతున్నారు.