మంగళవారం సినిమాకు సెన్సార్ షాక్.. డైరెక్టర్ రెస్పాన్స్ అదుర్స్..!

ఆరెక్స్ 100 తో ఆడియన్స్ ని సర్ ప్రైజ్ చేసిన డైరెక్టర్ అజయ్ భూపతి ఆ సినిమాతోనే తన డైరెక్షన్ టాలెంట్ ఏంటో చూపించాడు. ఇక సెకండ్ సినిమా మహా సముద్రం తో అంచనాలను అందుకోలేదు. అయితే థర్డ్ అటెంప్ట్ గా మంగళవారం అంటూ ఒక డిఫరెంట్ సినిమా తీశాడు అజయ్ భూపతి. పాయల్ రాజ్ పుత్ లీడ్ రోల్ లో నటించిన ఈ సినిమాలో నందిత శ్వేత, దివ్య పిళ్లై, రవీంద్ర విజయ్, శ్రీ తేజ, అజయ్ ఘోష్, శ్రవణ్ రెడ్డిలు నటించారు.

టీజర్, ట్రైలర్ తో ఆడియన్స్ ని సర్ ప్రైజ్ చేసిన ఈ సినిమా నవంబర్ 17న రిలీజ్ అవుతుంది. అయితే లేటెస్ట్ గా ఈ సినిమాకు సెన్సార్ నుంచి షాక్ తగిలింది. సినిమా మొత్తం ఓకే కానీ సినిమాలో అప్పుడప్పడు తాండ్రా సాంగ్ లోని రెండు లైన్లను తొలగించాలని సెన్సార్ నిర్ణయించింది. మంగళవారం సినిమాలో అప్పుడప్పడ తాండ్ర సాంగ్ రీసెంట్ గానే రిలీజైంది. ఈ సాంగ్ లో తరుణ్ భాస్కర్ నటించాడు. ఈ సాంగ్ కి ఆడియన్స్ నుంచి మంచి రెస్పాన్స్ వచ్చింది.

సెన్సార్ వారు అప్పుడప్పడ తాండ్ర లోని రెండు లైన్లు తీసేయడం నచ్చని అజయ్ భూపతి సినిమాలోని ఆ సాంగ్ మొత్తాన్ని తీసేశాడట. థియేట్రికల్ వెర్షన్ లో ఆ సాంగ్ మిస్ అవుతుందని డిజిటల్ రిలీజ్ లో ఆ సాంగ్ ఉంటుందని తన సోషల్ మీడియా ఖాతాలో రాసుకొచ్చారు అజయ్ భూపతి. సినిమాలో ఆ సాంగ్ చాలా కీలకమైనా సరే రెండు లైన్లు కట్ చేయమన్నదుకు అజయ్ భూపతి ఈ నిర్ణయం తీసుకున్నట్టు తెలుస్తుంది.

ఆర్జీవి దగ్గర పనిచేశాడు కాబట్టి అజయ్ భూపతి నిర్ణయాలు కూడా కాస్త షాకింగ్ గానే ఉంటాయి. మహా సముద్రంతో టార్గెట్ రీచ్ కాలేని అజయ్ భూపతి ఈ సినిమాతో ఎలాగైనా హిట్ కొట్టాలని చూస్తున్నాడు. ఆరెక్స్ 100 సినిమాతో పాయల్ రాజ్ పుత్ కి లైఫ్ ఇచ్చిన అజయ్ భూపతి మళ్లీ ఆమెతోనే మంగళవారం అంటూ ఒక ప్రయోగం చేశాడు. ఈ సినిమా కేవలం తెలుగులోనే కాదు తమిళ, కన్నడ, మలయాళంతో పాటుగా హిందీలో కూడా రిలీజ్ అవుతుంది. తన ప్రతి సినిమా విషయంలో చాలా కాన్ఫిడెంట్ గా ఉండే అజయ్ భూపతి మంగళవారం సినిమాపై భారీ నమ్మకంతో ఉన్నాడు.