జ‌ల‌గ‌ల మ‌ధ్య‌లో ర‌న్నింగ్ ఒణికిపోయాను!

మ‌ణిర‌త్నం ఆల్ టైమ్ క్లాసిక్ హిట్ 'బొంబాయి' గురించి చెప్పాల్సిన ప‌నిలేదు. కోట్లాది మంది హృద‌యాలు గెలుచుకున్న గొప్ప చిత్ర‌మ‌ది. శేఖ‌ర్ గా అర‌వింద్ స్వామి, షైలా భాను పాత్ర‌లో మ‌నీషా కోయిరాలా వెండి తెర‌పై మెరిస‌న వైనం ఓ అద్భుతం. సినిమా క‌థ అంతా ఒక ఎత్తైతే రెహ‌మాన్ సంగీతం మ‌రో ఎత్తు. రిలీజ్ కి ముందే మ్యూజిక‌ల్ గా బ్లాక్ బ‌స్ట‌ర్ అయింది. అందులో ప్ర‌తీ పాట ఆణిముత్య‌మే.

ఇప్ప‌టికీ ఆ పాట‌లు మార్మొగుతూనే ఉన్నాయి. వాటిలో అత్యంత ప్రియంగా ఆక‌ట్టుకున్న పాట ఊరికే చిల‌క గురించైతే చెప్పాల్సిన ప‌నిలేదు. ఈ పాట‌లో అర‌వింద్ స్వామి, మ‌నీషా కోయిరాలా అభిన‌యించిన తీరు గుండెలు పిండేస్తుంది. కోట్లాది మంది శ్రోత‌ల హృద‌యాల్లో నిలిచిన ఓక్లాసిక్ సాంగ్ అది. అయితే ఈ పాట మాత్రం మ‌నీషా కోయిరాల‌కు ఓ టెర్ర‌ర్ లాంటింది అన్న సంగ‌తి ఆల‌స్యంగా వెలుగులోకి వ‌చ్చింది.

ఆ సంగ‌తేంటో ఆమె మాట‌ల్లోనే...' అంద‌ర్నీ ఈ పాట ఎంత‌గానో ఆక‌ట్టుకుంది. కానీ నాకు ఆ పాట అంటేనే ఒణుకుపుడుతుంది. ఈ పాట‌షూటింగ్ స‌ముద్రం ఒడ్డున ఉన్న ఓపురాతన క‌ట్ట‌డం వ‌ద్ద జ‌రిగింది. అక్క‌డ పెద్ద పెద్ద రాళు..ముళ్ల పొద‌లు, చెట్ల‌తో నిండి ఉంది. నేలంతా ఎంతో త‌డిగా ఉంది. దీంతో జ‌ల‌గ‌లు భారీగా ఉన్నాయి. ఈ పాట‌లో నేను పొడ‌వాటి నీలిరంగు దుస్తుల్లో అక్క‌డ పరిగెత్తాలి.

కానీ కాలు కింద పెడితే ఎక్క‌డ జ‌ల‌గ‌లు ప‌ట్టి ర‌క్తం పీల్చేస్తాయేమోన్న భ‌యం వెంటాడింది. చాలా భ‌య ప‌డ్డాను. నా ప‌రిస్థితిని యూనిట్ అర్దం చేసుకుంది. ఆ పాట కోసం బూట్లు వేసుకోమ‌ని తెచ్చి ఇచ్చారు. నేల‌పై ఉప్పు చ‌ల్లారు. దీంతో కొంచెం ప‌రిస్థితి మెరుగు ప‌డింది' అని తెలిపింది.