బికినీ తెచ్చి ఇచ్చాడు, నేను కోపంతో...!

బాలీవుడ్‌ తో పాటు సౌత్‌ లో కూడా స్టార్‌ హీరోయిన్‌ గా మంచి గుర్తింపు దక్కించుకుని స్టార్‌ గా సుదీర్ఘ కాలంగా కొనసాగుతున్న సీనియర్ ముద్దుగుమ్మ మనీషా కోయిరాలా. ఇటీవల ఈమె హీరామండీ అనే వెబ్‌ సిరీస్ లో నటించి విమర్శకుల ప్రశంసలు దక్కించుకున్న విషయం తెల్సిందే.

ఆ వెబ్‌ సిరీస్ ప్రమోషన్ లో భాగంగా ఇంకా కూడా మనీషా కోయిరాలా మీడియా ముందుకు వస్తూనే ఉంది. కెరీర్ ఆరంభంలో తాను ఎదుర్కొన్న ఇబ్బందుల గురించి పలు విషయాలను చెప్పిన మనీషా తాజాగా మరోసారి తనకు ఎదురు అయిన బికినీ అనుభవం ను షేర్ చేసుకుని అందరిని ఆశ్చర్య పరిచింది.

సినిమా ల్లో ఎంట్రీ ఇచ్చిన కొత్త లో ఒక ఫోటో షూట్‌ కి వెళ్లాను. అతడు నా వద్దకు బికినీ తెచ్చి ఇచ్చాడు. ఆ బికినీ చూసి నేను షాక్ అయ్యాను. ఇలాంటివి వేసుకుంటేనే ఇండస్ట్రీలో కొనసాగగలవు, అలాగే స్టార్‌ హీరోయిన్ గా పేరు తెచ్చుకోగలవు అన్నాడు. కానీ నేను మాత్రం కోపంతో బికినీ ని తిరస్కరించాను.

స్విమ్మింగ్‌ చేసే సమయంలో మాత్రమే నేను బికినీ వేసుకుంటాను. నేను ఎప్పుడు కూడా షూటింగ్స్ కోసం బికినీ వేసుకోను అంటూ తేల్చి చెప్పిందట. ఇలా అయితే కష్టం అంటూ ఆ ఫోటో గ్రాఫర్‌ ఆ సమయంలో మనీషా కోయిరాల పై అసహనం వ్యక్తం చేశాడట.

నేను స్టార్‌ హీరోయిన్‌ అయిన తర్వాత అతడే నా ఫోటో షూట్స్ ఎన్నో చేశాడు. అతడు నన్ను ఆ సమయంలో బికినీ వేసుకోమని ఒత్తిడి చేసినా కూడా నేను మాత్రం ఒప్పుకోకుండానే స్టార్‌ హీరోయిన్ గా పేరు దక్కించుకున్నాను అంటూ అప్పటి విషయాలను మనీషా కోయిరాలా చెప్పుకొచ్చింది. ఆ ఫోటో గ్రాఫర్ ఎవరు అనేది మాత్రం ఆమె చెప్పేందుకు నిరాకరించింది.