మహానటిని మిస్ అవ్వక తప్పదా..?

మహానటి తో జాతీయ స్థాయిలో గుర్తింపుతో పాటుగా అవార్డుని సైతం దక్కించుకుంది కీర్తి సురేష్. యువ హీరోలతో జత కట్టి ఆ పాపులారిటీతో స్టార్ సినిమాల్లో కూడా ఛాన్స్ అందుకుంది. ఇక మహానటి సినిమా అయితే కీర్తి గ్రాఫ్ మరింత పెరిగేలా చేసింది. తెలుగు, తమిళ భాషల్లో స్టార్ సినిమాలతో వరుస ఆఫర్లు అందుకున్న కీర్తి సురేష్ అప్పుడప్పుడు ప్రయోగాలు చేస్తూ వచ్చింది. ఐతే టాలీవుడ్ లో కన్నా కోలీవుడ్ లో అమ్మడు ఎక్కువ అవకాశాలు అందుకుంది.

ఈ ఇయర్ కూడా అక్కడ రెండు సినిమాలు చేసింది. ప్రస్తుతం రివాల్వర్ రీటా, కన్నివేడి సినిమాలు చేస్తుంది. ఇక మరోపక్క అమ్మడు బాలీవుడ్ లోకి బేబీ జాన్ తో ఎంట్రీ ఇస్తుంది. ఆ సినిమా కూడా అమ్మడికి మరింత పాపులారిటీ తెచ్చేలా ఉంది. ఐతే కీర్తి సురేష్ పెళ్లి వార్తలు మీడియాలో ఎప్పుడు హా**ట్ టాపిక్కే. అమ్మడు సైలెంట్ గా ఉండటమే వీటికి మరింత బలం ఇస్తున్నాయి.

లేటెస్ట్ గా తన స్నేహితుడు ఆంటోనితో కీర్తి సురేష్ పెళ్లికి రెడీ అయినట్టు మీడియా కోడై కూస్తుంది. ఐతే ఈ విషయం దాదాపు కన్ ఫర్మ్ కాబట్టే కీర్తి సురేష్ నుంచి ఎలాంటి రియాక్షన్ లేదని అంటున్నారు. సడెన్ గా ఎంగేజ్మెంట్ తో ఫ్యాన్స్ కు సర్ ప్రైజ్ ఇవ్వాలని చూస్తుంది అమ్మడు. ఐతే పెళ్లి కూడా డిసెంబర్ 12 తేదీ అని అంటున్నారు. ఐతే పెళ్లి తర్వాత కీర్తి సురేష్ సినిమాలకు కొంత గ్యాప్ ఇవ్వక తప్పదు.

సినిమాలు కొనసాగించే ఉద్దేశం ఉన్నా పెళ్లైన 6 నెలలు, ఏడాది వరకు ఆమె మరో సినిమా చేసే ఛాన్స్ లేదు. ఆ తర్వాత కూడా తను నటిగా కొత్త ప్రయోగాలు చేసే అవకాశం ఉంది కానీ గ్లామర్ రోల్స్ చేసే ఛాన్స్ ఉండదు. ముఖ్యంగా స్టార్ హీరోల సినిమాల్లో కీర్తిని చూడటం కష్టమే అని చెప్పొచ్చు. ఐతే కథ నచ్చితే కీర్తి సురేష్ ఎలాంటి వాటికైనా సిద్ధమే. తెలుగులో దసరా సూపర్ హిట్ కొట్టినా భోళా శంకర్ ఫ్లాప్ అవ్వడం తో పెద్దగా అవకాశాలు లేకుండా పోయాయి.

పెళ్లి కాకముందే ఛాన్స్ లు లేవంటే ఆఫ్టర్ మ్యారేజ్ అసలు ఆమెను పట్టించుకుంటారా లేదా అన్నది కూడా చెప్పడం కష్టమే. మరి కీర్తి నెక్స్ట్ ప్లాన్ ఏంటన్నది తెలియాల్సి ఉంది. ఏది ఏమైనా కీర్తి సురేష్ పెళ్లి తర్వాత కూడా సినిమాలు చేసి ప్రేక్షకులను మెప్పించాలని ఆమె ఫ్యాన్స్ కోరుతున్నారు.