ర‌ష్య‌న్ గాళ్‌తో మూడు పెళ్లిళ్ల న‌టుడు ఎఫైర్!

అత‌డు- ఆమె గత కొన్ని వారాలుగా చాలా సన్నిహితంగా ఉన్నారు. ఆ ఇద్ద‌రూ క‌లిసి ఒకే అపార్ట్ మెంట్ లో రాత్రి వేళ‌లో కూడా ఉంటున్నార‌ని స‌మాచారం. ఆమెతో అత‌డి సాన్నిహిత్యం ఇప్పుడు సంచ‌ల‌నంగా మారింది. ఒక సోష‌లైట్ తో అత‌డి స్నేహం ఏ తీరానికి చేరుతుందో? అంటూ అభిమానుల్లో చ‌ర్చ సాగుతోంది. ఈ ఎపిసోడ్ లో అత‌డు ఎవ‌రు? అంటే.. నిస్సందేహంగా హాలీవుడ్ సూప‌ర్ స్టార్ టామ్ క్రూజ్.

`మిష‌న్ ఇంపాజిబుల్ డెడ్ రిక‌నింగ్`(2023) చిత్రంతో బ్లాక్ బ‌స్ట‌ర్ అందుకున్న టామ్ క్రూజ్ ఇప్పుడు మాంచి జోష్ మీదున్నాడు. అత‌డు రష్యన్ సామాజిక స్నేహితురాలు ఎలినా ఖైరోవాతో స‌న్నిహితంగా ఉన్నాడు. ఆ ఇద్ద‌రూ గత డిసెంబర్‌లో మొదటిసారి కలిసి కనిపించారు. టామ్ క్రూజ్ తన సంబంధాన్ని అధికారికంగా చేసారని ప్ర‌ఖ్యాత‌ డైలీ మెయిల్ నివేదించింది. టామ్ శ్రీమతి ఖైరోవా అపార్ట్‌మెంట్‌లో రాత్రులు ఉంటున్నారని వినికిడి.

ఈ జంట ఇటీవల లండన్ ఎయిర్ అంబులెన్స్ ఛారిటీకి మద్దతు ఇచ్చే ఛారిటీ డిన్నర్‌లో కలిసి కనిపించారు. ప్రిన్స్ విలియం గౌరవ అతిథిగా హాజరయ్యారు. ఎల్సినా ఖైరోవా రష్యాలో జన్మించిన మాజీ మోడల్. ఇప్పుడు లండన్‌లో బ్రిటిష్ పౌరురాలు. ఆమె వ్లాదిమిర్ పుతిన్ మిత్రుడు, ప్రముఖ రష్యన్ రాజకీయ నాయకుడు రినాట్ ఖైరోవ్ కుమార్తె. శ్రీమతి ఖైరోవా గతంలో రష్యన్ డైమండ్ టైకూన్ డిమిత్రి త్వెట్కోవ్‌ను వివాహం చేసుకున్నారు. అయితే వారు 2020లో విడిపోయారు.

టామ్ క్రూజ్ ఇంతకు ముందు మూడు పెళ్లిళ్లు చేసుకున్నాడు. 1987 నుండి 1990 వరకు మిమీ రోజర్స్‌ను, 1990 నుండి 2001 వరకు నికోల్ కిడ్‌మాన్ ను.. 2006 నుండి 2012 వరకు కేటీ హోమ్స్ తో సంసారజీవ‌నం సాగించారు. అయితే ఈ పెళ్లిళ్లు బ్రేక‌ప్ అయ్యాయి. ఇప్పుడు కొత్త ర‌ష్యన్ గాళ్ ఫ్రెండ్ సాన్నిహిత్యంలో అత‌డు ఎంతో ఆనందంగా ఉన్నాడ‌ని తెలుస్తోంది.