చాలా గ్యాప్ తర్వాత మార్టిన్ లూథర్ కింగ్గా సంపూ
హృద‌య‌కాలేయం, కొబ్బ‌రిమ‌ట్ట చిత్రాలతో తెలుగు ప్రేక్షకుల్లో త‌న‌కంటూ ఓ ప్ర‌త్యేక‌మైన గుర్తింపును తెచ్చుకున్నారు కమెడియన్ హీరో సంపూర్ణేశ్ బాబు
By: Tupaki Desk | 19 Sep 2023 7:03 AM GMT
హృద‌య‌కాలేయం, కొబ్బ‌రిమ‌ట్ట చిత్రాలతో తెలుగు ప్రేక్షకుల్లో త‌న‌కంటూ ఓ ప్ర‌త్యేక‌మైన గుర్తింపును తెచ్చుకున్నారు కమెడియన్ హీరో సంపూర్ణేశ్ బాబు. స్ఫూఫ్ కామెడీలతో వచ్చిన ఈ చిత్రాలు క‌మ‌ర్షియ‌ల్‌గా మంచి స‌క్సెస్ను అందుకున్నాయి. ఆ సమయంలో వచ్చిన క్రేజ్తో ఆ తర్వాత తెలుగులో చాలా సినిమాలే చేశారు సంపూర్ణేశ్. కానీ విజ‌యాల్ని మాత్రం అందుకోలేక నిరాశపడ్డారు.
అయితే ఇప్పుడు చాలా గ్యాప్ తర్వాత ఓ పొలిటిక‌ల్ కామెడీ చిత్రంతో సంపూర్ణేశ్ బాబు వచ్చేందుకు సిద్ధం అయ్యారు. ఈ సినిమాకు మార్టిన్ లూథర్ కింగ్ అనే టైటిల్‌ను ఖరారు చేశారు మేకర్స్. టైటిల్‌తో పాటు ఫ‌స్ట్‌లుక్ పోస్టర్ను సోషల్ మీడియాలో విడుదల చేశారు. ఇందులో సంపూర్ణేశ్ బాబు త‌ల‌పై కిరీటం పెట్టుకుని ఉండటం, అందులో కొంత‌మంది నాయ‌కులు ఓట్ల కోసం ప్ర‌చారం చేస్తున్న‌ట్లు కనిపించడం ఇంట్రెస్టింగ్గా ఉంది. పోస్టర్ను డిఫ‌రెంట్‌గా డిజైన్ చేశారు.
ఈ చిత్రంలో సంపూర్ణేశ్ బాబుతో పాటు దర్శకుడు వెంక‌టేష్ మ‌హా, న‌రేశ్ ఇతర కీల‌క పాత్ర‌ల్లో కనిపించనున్నారు. సినిమాను అక్టోబ‌ర్ 27న థియేట‌ర్ల‌లో విడుదల చేయ‌బోతున్న‌ట్లు మేకర్స్ పోస్టర్ ద్వారా అనౌన్స్ చేశారు. ఇకపోతే ఈ సినిమా ఓ కోలీవుడ్ చిత్రానికి రీమేక్ అని స‌మాచారం అందుతోంది.
త‌మిళంలో యోగిబాబు ప్ర‌ధాన పాత్ర‌లో న‌టించిన మండేలా సినిమాకు రీమేక్ అని అంటున్నారు. ఈ చిత్రం ఆస్కార్ కోసం బెస్ట్ ఫారిన్ ఫిల్మ్ కేట‌గిరీలో.. ఇండియా షార్ట్‌లిస్ట్ చేసిన సినిమాల్లో ఒక‌టిగా నిలిచింది. కానీ తుది నామినేష‌న్స్ చోటు ద‌క్కించుకోలేదు. రెండు నేష‌న‌ల్ అవార్డ్స్‌ను ఈ చిత్రం గెలుచుకుంది.
కాగా, పంచాయ‌తీ ఎన్నికల బ్యాక్‌డ్రాప్‌లో మార్టిన్ లూథర్ కింగ్ రూపొందుతోంది. ఈ చిత్రానికి పూజ కొల్లూరు దర్శకత్వం వహిస్తున్నారు. ఎప్పుడో చివరిసాగి 2021లో క్యాలిఫ్లవర్తో వచ్చిన ఆయన.. ఇప్పుడు రెండేళ్ల తర్వాత రానున్నారు. మరి ఈ చిత్రంతోనైనా ఆయన ప్రేక్షకుల్ని ఎంత వరకు ఆకట్టుకుంటారో చూడాలి..
