ది రాజాసాబ్ మారుతి కూతురు రోల్ ఏంటంటే?

మారుతి కెరియర్ లో ఇప్పటి వరకు ఎక్కువ మీడియం బడ్జెట్ సినిమాలు చేస్తూ వచ్చారు.. ఆయన కెరియర్ లో కమర్షియల్ సక్సెస్ లు అందుకున్నది టైర్ 2 హీరోలతోనే. స్టార్ హీరోలలో విక్టరీ వెంకటేష్ తో మాత్రమే బాబు బంగారం అనే సినిమాని గతంలో మారుతి చేశారు. అయితే ఈ సినిమా కమర్షియల్ గా ఆశించిన స్థాయిలో సక్సెస్ కాలేదు.. మారుతి చివరిగా గోపీచంద్ తో పక్కా కమర్షియల్ సినిమాతో ప్రేక్షకుల ముందుకొచ్చారు. ఈ మూవీ అంతగా క్లిక్కవ్వలేదు.

కెరియర్ లో ఫస్ట్ టైమ్ మారుతి ఇండియన్ నెంబర్ వన్ హీరోగా, దేశంలో అత్యధిక మార్కెట్ వేల్యూ ఉన్న డార్లింగ్ ప్రభాస్ తో సినిమా చేస్తున్నాడు. ది రాజాసాబ్ టైటిల్ తో ఈ సినిమా తెరకెక్కుతోన్న సంగతి తెలిసిందే. పీపుల్స్ మీడియా ఫ్యాక్టరీ భారీ బడ్జెట్ తో ది రాజాసాబ్ సినిమాని నిర్మిస్తోంది. డార్లింగ్ ప్రభాస్ ఈ ఏడాది కల్కి 2898ఏడీతో బిగ్గెస్ట్ బ్లాక్ బస్టర్ హిట్ ను సొంతం చేసుకున్నారు.

ఈ మూవీ ఏకంగా 1100 కోట్ల కలెక్షన్స్ ని వరల్డ్ వైడ్ గా అందుకుంది. కల్కి మూవీ చుట్టూ నెలకొన్న హైప్ ఆల్ మోస్ట్ క్లోజ్ అయిపొయింది. ఇప్పుడు ప్రేక్షకుల దృష్టి అంతా నెక్స్ట్ ప్రభాస్ నుంచి రాబోయే ది రాజాసాబ్ చిత్రంపై పడింది. ది రాజాసాబ్ మూవీ రిలీజ్ వరకు సోషల్ మీడియాలో ఏదో ఒక చర్చ నడుస్తూనే ఉంటుంది. నెక్స్ట్ ఈ మూవీ నుంచి గ్లింప్స్ ని రిలీజ్ చేయడానికి సన్నాహాలు చేస్తున్నారని టాక్ వినిపిస్తోంది.

హర్రర్ కామెడీ జోనర్ లో తెరకెక్కుతోన్న ఈ సినిమాలో విజువల్ ఎఫెక్ట్స్ కీ మంచి ప్రాధాన్యత ఉంటుందంట. మారుతి దర్శకుడు కావడానికి ముందు విజువల్ ఎఫెక్ట్స్ లో వర్క్ చేసిన అనుభవం ఉంది. ఈ చిత్రానికి కచ్చితంగా అది హెల్ప్ అవుతుందని భావిస్తున్నారు. ఇదిలా ఉంటే ది రాజాసాబ్ సినిమాకి తన కూతురు హియా దాసరి కూడా వర్క్ చేస్తున్నట్లు మారుతి కొద్ది రోజుల క్రితం క్లారిటీ ఇచ్చారు.

ఆమె ఈ సినిమా కోసం ఎలాంటి పాత్ర నిర్వహిస్తోందనేది తాజాగా క్లారిటీ వచ్చింది. ఓ ఈవెంట్ లో పాల్గొన్న హియా దాసరిని ది రాజాసాబ్ గురించి విలేకరులు అడిగారు. నాకు యాక్టింగ్, డైరెక్షన్ మీద ఇంటరెస్ట్ లేదని విజువల్ ఎఫెక్ట్స్ వర్క్ పై ఆసక్తి చూపిస్తున్నా అని చెప్పారు.. ది రాజాసాబ్ సినిమాకి కూడా విఎస్ఎక్స్ విభాగంలో వర్క్ చేస్తున్నాను అని క్లారిటీ ఇచ్చింది. దీంతో మారుతి కూతురు ది రాజాసాబ్ సినిమాకి టెక్నీకల్ టీమ్ లో వర్క్ చేస్తోందని స్పష్టం అయ్యింది.