మెహ‌రీన్ బ్యూటీకి మారుతి ఫిదా!

ఇండ‌స్ట్రీకొచ్చిన కొత్త‌లో మెహ‌రీన్ పిర్జాదా చ‌బ్బీలుక్ ఓ సంచ‌ల‌నం. సాధార‌ణంగా చ‌బ్బీ గాళ్స్ ని కోలీవుడ్ త‌ర‌హాలో టాలీవుడ్ అంత ఈజీగా యాక్సెప్ట్ చేయ‌దు. కానీ మెహ‌రీన్ బ్యూటీకి మాత్రం అదే లుక్ ప్ల‌స్ అయింది. ప్రెష్ ఫేస్..చ‌బ్బీ లుక్ ఆడియ‌న్స్ కి కొత్త ఫీల్ ని అందించింది. దీంతో కొన్నాళ్లు అదే లుక్ లో ఆడియ‌న్స్ ని అల‌రించింది. కానీ రాను రాను ఆ లుక్ అంతే బోర్ కొట్టింది. మెహ‌రీన్ రూపంలో కొన్ని ర‌కాల మార్పులు నెగిటివిటీని తెచ్చిపెట్టాయి.

దీంతో అమ్మ‌డు స్లిమ్ అయింది. ఒకానొక ద‌శ‌లో ఏకంగా జీరో సైజ్ లోకి వెళ్లిపోయింది. ఆ లుక్ లోనూ కొన్ని సినిమాలు చేసింది. అయితే చ‌బ్బీ లుక్ ముందు జీరో సైజ్ పూర్తిగా తేలిపోయింది. ఇప్ప‌టిక‌న్నా అప్పుడే అందంగా ఉండేది అనే కొత్త విమ‌ర్శ వినిపించింది. దీంతో మెహ‌రీన్ సైతం క‌న్ ప్యూజ‌న్ లో ప‌డింది. ముందు నుయ్యి...వెనుక గొయ్యి అన్న చందంగా స‌న్నివేశం ఎదురైంది.

స‌న్న‌బ‌డితే స‌న్న‌గా ఉందంటు న్నారు? కాస్త వెయిట్ పెరిగితే చ‌బ్బీ గాళ్ అంటున్నారు? ఇదెక్క‌డి న్యాయం అని కామ్ అయింది. దీంతో అమ్మ‌డు కొన్నాళ్ల పాటు సోష‌ల్ మీడియాలో ఎలాంటి ఫోటోలు పోస్ట్ చేయ‌లేదు. ఇటీవ‌లే కొన్ని కొత్త ఫోటోలు రిలీజ్ చేసింది. అందులో మెహ‌రీన్ ఏకంగా ఓ కొత్త బ్యూటీనే ప‌రిచ‌యం చేసింది. వెయిట్ ని ప‌ర్పెక్ట్ గా బ్యాలెన్స్ చేసి తీసుకొచ్చిన ఛేంజ్ మెహ‌రీన్ కి ప్ర‌శంస‌లు తీసుకొస్తుంది.

ఈ నేప‌థ్యంలో సొగ‌స‌రి ఓ ఇంట్రెస్టింగ్ విష‌యాన్ని లీక్ చేసింది. ఈ కొత్త లుక్ లో ఇటీవ‌లే ద‌ర్శ‌కుడు మారుతిని క‌లిసిందిట‌. `మంచి రోజులొచ్చాయి` సినిమాలో మ‌రీ స‌న్న‌గా క‌నిపించావ్. ఇప్పుడు బాగున్నారు అని పొగిడేసారని తెలిపింది. ఇక‌పై ఇదే లుక్ మెయింటెన్ చేస్తాన‌ని అభిమానుల‌కు ప్రామిస్ చేసింది. ప్ర‌స్తుతం మెహ‌రీన్ కోలీవుడ్ లో సినిమాలు చేస్తోంది. అలాగే హిందీలో ఓ వెబ్ సిరీస్ లో న‌టిస్తోంది.