భాగ్యశ్రీ నడుముపై రవితేజ ముద్దు అదిరిపోయిందంతే!

టాలీవుడ్ మాస్ మహారాజా రవితేజ వరుస సినిమాలతో దూసుకెళ్తున్న విషయం తెలిసిందే. రిజల్ట్ తో సంబంధం లేకుండా మూవీల్లో నటిస్తున్న ఆయన.. త్వరలో మిస్టర్ బచ్చన్ చిత్రంతో ప్రేక్షకుల ముందుకు వచ్చేందుకు సిద్ధమవుతున్నారు. స్టార్ డైరెక్టర్ హరీష్ శంకర్ దర్శకత్వం వహిస్తున్న ఈ సినిమా షూటింగ్ ఇప్పటికే కంప్లీట్ అయింది. ప్రస్తుతం పోస్ట్ ప్రొడక్షన్ వర్క్స్ జరుపుకుంటోంది. ఆగస్టు 15వ తేదీన థియేటర్లో విడుదల కానుంది.

అయితే మాస్ యాక్షన్ ఎంటర్టైనర్ మిస్టర్ బచ్చన్ తో మరాఠీ బ్యూటీ భాగ్య శ్రీ బొర్సే హీరోయిన్ గా టాలీవుడ్ లోకి ఎంట్రీ ఇవ్వనుంది. ఆడియన్స్ లో భారీ అంచనాలు నెలకొల్పిన ఈ మూవీ నుంచి ఇప్పటికే రిలీజ్ అయిన ప్రమోషనల్ కంటెంట్ మంచి రెస్పాన్స్ అందుకుంది. ఇప్పటివరకు మూవీ నుంచి వచ్చిన రెండు సాంగ్స్ చార్ట్ బస్టర్స్ గా నిలిచాయి. ప్రేక్షకుల నుంచి సాలిడ్ రెస్పాన్స్ అందుకున్నాయి. మిక్కీ జె మేయర్ మ్యూజిక్ కు అంతా ఫిదా అయిపోయారు.

మెలోడియస్ సాంగ్ సితార్, మాస్ మసాలా సాంగ్ రెప్పల్ డప్పుల్.. ఇప్పటికీ సోషల్ మీడియాలో వైరల్ అవుతున్నాయి. రవితేజ, భాగ్య శ్రీ బొర్సే కెమిస్ట్రీపై ప్రశంసలు కురుస్తున్నాయి. ఇద్దరూ ఉన్న సినిమా పోస్టర్లు.. ప్రత్యేక ఆకర్షణగా నిలుస్తున్నాయి. ఇప్పుడు కొత్త పోస్టర్.. సోషల్ మీడియాలో తెగ వైరల్ అవుతోంది. అందులో రవితేజ, భాగ్యశ్రీ ఓ రేంజ్ లో ఉన్నారు. ఇద్దరూ రొమాంటిక్ మోడ్ లో ఉన్నట్లు కనిపించారు.

భాగ్యశ్రీ నడుముపై రవితేజ ముద్దుపెడుతున్న స్టిల్.. వేరే లెవెల్ లో ఉంది. పోస్టర్ తో జిక్కీ రొమాంటిక్ సాంగ్ రిలీజ్ డేట్ ను అనౌన్స్ చేశారు మేకర్స్. ఆగస్టు 2వ తేదీన విడుదల చేయనున్నట్లు తెలిపారు. పోస్టర్ ను చూస్తుంటే.. పాట ఎలాంటి రొమాంటిక్ ఫీల్ లో రాబోతుందో క్లియర్ గా అర్థమవుతుంది. రొమాంటిక్ పాట మీ ప్లేలిస్ట్‌ లో టాప్‌ గా నిలుస్తుందని మేకర్స్ హైప్ క్రియేట్ చేశారు. దీంతో సాంగ్ కోసం వెయిటింగ్ అంటూ ఫ్యాన్స్ కామెంట్స్ పెడుతున్నారు.

ఇక సినిమా విషయానికొస్తే.. పీపుల్ మీడియా ఫ్యాక్టరీ బ్యానర్ పై టీజీ విశ్వప్రసాద్ గ్రాండ్ గా నిర్మిస్తున్నారు. సినిమాటోగ్రాఫర్ గా అయాంక్ బోస్ వ్యవహరిస్తున్నారు. ప్రొడక్షన్ డిజైనర్ గా బ్రహ్మ కడలి.. ఎడిటర్ గా ఉజ్వల్ కులకర్ణి పనిచేస్తున్నారు. సచిన్ ఖేడేకర్, సత్య, నెల్లూరు సుదర్శన్ తో పాటు పలువురు కీలక పాత్రలు పోషిస్తున్నారు. మరి ఇండిపెండెన్స్ కానుకగా రిలీజ్ కానున్న ఈ సినిమా ఎలాంటి హిట్ అవుతుందో చూడాలి.