'మజాకా' బ్యాచిలర్స్ ఆంథమ్.. పక్కా పర్ఫెక్ట్ సాంగ్!

టాలీవుడ్ యంగ్ అండ్ టాలెంటెడ్ హీరో సందీప్ కిషన్ ఇప్పుడు మజాకా మూవీతో ప్రేక్షకుల ముందుకు వచ్చేందుకు సిద్ధమవుతున్న విషయం తెలిసిందే. త్రినాధ రావు నక్కిన తెరకెక్కిస్తున్న ఆ సినిమాలో ప్రముఖ నటుడు రావు రమేష్ మరో ప్రధాన పాత్ర పోషిస్తున్నారు. అన్షు అంబానీ, రీతూ వర్మ హీరోయిన్లుగా కనిపించనున్నారు.

ఇప్పటికే శరవేగంగా షూటింగ్ జరుపుకుంటున్న మజాకా మూవీ.. వచ్చే నెలలో విడుదల కానుంది. కొద్ది రోజుల క్రితం ప్రమోషన్స్ స్టార్ట్ చేసిన మేకర్స్.. ఆడియన్స్ లో మంచి బజ్ క్రియేట్ చేస్తున్నారు. ఎప్పటికప్పుడు కొత్త పోస్టర్లు రిలీజ్ చేస్తూ సందడి చేస్తున్నారు. రీసెంట్ గా టీజర్ విడుదల చేయగా.. ఓ రేంజ్ లో రెస్పాన్స్ వచ్చింది.

ఒక్కసారి టీజర్ తో అందరి దృష్టి సినిమాపై పడింది. సూపర్ కట్ తో టీజర్.. ఫన్నీగా అందరినీ మెప్పించింది. సందీప్ కిషన్ ఎనర్జీ అట్రాక్ట్ చేస్తుంది. రావు రమేష్ తన యాక్టింగ్ తో మరోసారి ఆకట్టుకున్నారు. ఓవరాల్ గా మజాకా టీజర్.. సినిమాపై ఆడియన్స్ లో అంచనాలు పెంచేసిందని చెప్పడంలో ఎలాంటి డౌట్ అక్కర్లేదు.

టీజర్ కు వచ్చిన రెస్పాన్స్ ఇచ్చిన జోష్ తో మేకర్స్ నేడు.. ఫస్ట్ సింగిల్ బ్యాచిలర్స్ ఆంథమ్ ను రిలీజ్ చేశారు. బ్యాచలర్స్‌ కు అల్టిమేట్ సాంగ్‌ ను అంకితం చేస్తున్నామంటూ ఇప్పటికే అనౌన్స్ చేసిన మేకర్స్.. బుధవారం ఉదయం విడుదల చేశారు. ప్రస్తుతం సోషల్ మీడియాలో వైరల్ గా మారిన సాంగ్.. ఆకట్టుకుంటోంది.

లియోన్ జేమ్స్ కంపోజ్ చేసిన ఆ సాంగ్ కు సరస్వతీ పుత్ర రామజోగయ్య శాస్త్రి లిరిక్స్ అందించారు. ధనుంజయ్ సీపాన.. ఫుల్ ఎనర్జీతో పాడారు. సాంగ్ తగ్గట్టు సందీప్ కిషన్, రావు రమేష్ నటిస్తూ కనిపించారు. బ్యాచిలర్స్ ప్రాబ్లమ్స్ ను క్లియర్ గా అర్థమయ్యేలా యాక్ట్ చేసి సందడి చేశారు.

సాంగ్ కొరియోగ్రఫీ కూడా బాగుందనే చెప్పాలి. ఎప్పటిలాగే సందీప్ తన డ్యాన్స్ తో ఆకట్టుకున్నారు. రావు రమేష్ కూడా తనదైన శైలిలో మెప్పించారు. సాంగ్ అంతా వైజాగ్ లో షూట్ చేసినట్లు క్లియర్ గా అర్థమవుతోంది. అయితే క్వాలిటీ విషయంలో ఎలాంటి రాజీ పడకుండా రాజేష్ దండ, ఉమేష్ కె ఆర్ బన్సాల్ నిర్మిస్తున్నట్లు స్పష్టంగా తెలుస్తోంది. మరి ఫిబ్రవరి 21వ తేదీన రిలీజ్ కానున్న మజాకా మూవీ ఎలా ఉంటుందో వేచి చూడాలి.