మెకానిక్ రాకీ రీ షూట్.. ఎందుకంటే..

విభిన్న కథలతో మూవీస్ చేస్తూ హీరోగా తన ఇమేజ్ పెంచుకుంటూ వెళ్తోన్న నటుడు విశ్వక్ సేన్. యంగ్ హీరోలలో గ్యాప్ తీసుకోకుండా బ్యాక్ టూ బ్యాక్ ప్రాజెక్ట్స్ చేస్తున్న స్టార్ గా విశ్వక్ సేన్ ఉన్నాడు. ఏ ఏడాది గామి, గ్యాంగ్స్ ఆఫ్ గోదావరి సినిమాలతో విశ్వక్ సేన్ ఇప్పటికే ప్రేక్షకుల ముందుకొచ్చాయి. ఈ రెండు సినిమాలు మంచి టాక్ సొంతం చేసుకున్నాయి.

రెండు భిన్నమైన కథలతో వచ్చిన ఈ సినిమాలలో విశ్వక్ సేన్ పెర్ఫార్మెన్స్ కి విమర్శకుల ప్రశంసలు లభించాయి. ఇదిలా ఉంటే విశ్వక్ సేన్ హీరోగా రవితేజ ముళ్ళపూడి దర్శకత్వంలో తెరకెక్కుతోన్న మెకానిక్ రాకీ సినిమాని అక్టోబర్ 31న రిలీజ్ చేయడానికి రెడీ అవుతున్నారు. కమర్షియల్ యాక్షన్ ఎంటర్టైనర్ గా ఈ చిత్రం సిద్ధం అవుతోంది. రామ్ తాళ్ళూరి ఈ చిత్రాన్ని భారీ బడ్జెట్ తో నిర్మిస్తున్నారు.

నిజానికి ఇప్పటికే మూవీ షూటింగ్ కంప్లీట్ అయిపొయింది. మూవీ అవుట్ ఫుట్ కూడా బాగానే వచ్చిందంట. అయితే సినిమా సినిమాకి ప్రేక్షకులకి వీలైనంత కొత్తదనం ఇవ్వాలని పరితపించే విశ్వక్ సేన్ అవుట్ ఫుట్ విషయంలో ఎక్కడా రాజీ పడడు. ప్రేక్షకులకి కావాల్సింది ఇవ్వడం కోసం ఎంత కష్టమైన పడతాడనే అభిప్రాయం ఇండస్ట్రీలో ఉంది. బెస్ట్ ఇవ్వడం కోసం సీన్స్ ని మరింత ఇంప్రూవ్ చేయడం కోసం రీషూట్ చేయడానికి కూడా వెనుకాడడు.

ఇప్పుడు మెకానిక్ రాకీ సినిమాలో కొన్ని సన్నివేశాలని మరింత బెటర్ మెంట్ కోసం రీషూట్ చేస్తున్నారనే మాట వినిపిస్తోంది. ఈ మూవీ కోసం ప్రత్యేకంగా ఒక మెకానిక్ షెడ్ సెట్ ని హైదరాబాద్ లో వేశారు. ఆ మెకానిక్ షెడ్ లోనే సన్నివేశాలు రీషూట్ చేస్తున్నారని టాక్ నడుస్తోంది. రిలీజ్ కి ఇంకా సమయం ఉండటంతో బెస్ట్ అవుట్ ఫుట్ తీసుకురావడం కోసం కొన్ని కీలకమైన సీక్వెన్స్ ని రీషూట్ చేస్తున్నారని టాక్.

వీటిని వీలైనంత వేగంగా వాటిని కంప్లీట్ చేసి మూవీని రిలీజ్ డేట్ కి రెడీ చేయాలని అనుకుంటున్నారు. ఒక వేళ షూటింగ్ లేట్ అయితే నవంబర్ నెలలో ఏదో ఒక డేట్ చూసుకొని మెకానిక్ రాకీని రిలీజ్ చేయాలని అనుకుంటున్నారంట. త్వరలో ఈ రిలీజ్ డేట్ గురించి స్పష్టత వచ్చే అవకాశం ఉందనే మాట ఇండస్ట్రీ వర్గాలలో వినిపిస్తోంది. ఈ చిత్రంలో విశ్వక్ సేన్ కి జోడీగా మీనాక్షి చౌదరి నటిస్తోంది.

ఈ చిత్రం తర్వాత విశ్వక్ సేన్ రెండు సినిమాలని లైన్ లో పెట్టారు. అందులో లైలా ఒకటి. ఈ మూవీ రెగ్యులర్ షూటింగ్ కూడా మొదలైందని సమాచారం. దీని తర్వాత వచ్చే ఏడాది ఆరంభంలో కొత్త సినిమా షూటింగ్ స్టార్ట్ చేస్తాడని టాక్. అలాగే కృష్ణ చైతన్య దర్శకత్వంలో మరో మూవీ చేయలనే ఆలోచనలో ఉన్నారు.