మెకానిక్ రాకీ డాడీ సాంగ్.. ఫుల్ ట్రెండీగా ఉందే!

టాలీవుడ్ యంగ్ హీరో, మాస్ కా దాస్ విశ్వక్ సేన్.. ఫుల్ జోష్ పై ఉన్న విషయం తెలిసిందే. వరుస చిత్రాల్లో నటిస్తూ బిజీ బిజీగా గడుపుతున్నారు. చేతినిండా ప్రాజెక్టులతో దూసుకెళ్తున్నారు. ఈ ఏడాది ఇప్పటికే ప్రయోగాత్మక చిత్రం గామితో పాటు గ్యాంగ్స్ ఆఫ్ గోదావరితో ప్రేక్షకుల ముందుకు వచ్చారు విశ్వక్ సేన్. తన మార్క్ యాక్షన్ తో సినీ ప్రియులను ఓ రేంజ్ లో అలరించారు. తన సత్తా ఏంటో చాటుకున్నారు.

ఇప్పుడు మెకానిక్ రాకీ మూవీతో థియేటర్లలో సందడి చేసేందుకు రెడీ అవుతున్నారు. రొమాంటిక్ యాక్షన్ ఎంటర్టైనర్ గా తెరకెక్కుతున్న ఆ సినిమాకు రవితేజ ముళ్లపూడి దర్శకత్వం వహిస్తున్నారు. అందాల భామలు మీనాక్షి చౌదరి, శ్రద్ధా శ్రీనాథ్ హీరోయిన్లుగా నటిస్తున్నారు. నవంబర్ 22వ తేదీన రిలీజ్ చేస్తామని ఇప్పటికే మేకర్స్ ప్రకటించారు. అందుకు తగ్గ ప్లాన్ తో కొద్ది రోజులుగా ప్రమోషన్స్ నిర్వహిస్తున్నారు.

ఇప్పటికే సినిమా నుంచి మేకర్స్ రిలీజ్ చేసిన ప్రమోషనల్ కంటెంట్ మంచి రెస్పాన్స్ అందుకుంది. టీజర్, ట్రైలర్.. సినిమాపై పాజిటివ్ బజ్ క్రియేట్ చేశాయి. కామెడీ, లవ్ ట్రాక్‍, యాక్షన్‍ తో మెకానిక్ రాకీ సినిమా ఎంటర్టైనింగ్‍ గా ఉండనుందని హామీ ఇచ్చాయి. సాంగ్స్ కూడా ఛార్ట్ బస్టర్స్ గా నిలిచాయి. ఇప్పుడు అదే జోష్ తో మేకర్స్.. మరో సాంగ్ ను విడుదల చేశారు. ఐ హేట్ యు మై డాడీ పాటను రిలీజ్ చేశారు.

హేట్ యూ మై డాడీ.. నీ మీద నా చూడీ అంటూ సాగుతున్న సింగిల్.. సినీ ప్రియులను తెగ ఆకట్టుకుంటోంది. సోషల్ మీడియాలో వైరల్ అవుతోంది. ట్రెండీగా సాంగ్ ఉందని అంతా చెబుతున్నారు. సనారే అదిరిపోయే లిరిక్స్ అందించారు. రామ్ మిర్యాల తన సెన్సేషనల్ వాయిస్ తో సాంగ్ ను మరో స్థాయికి తీసుకెళ్లారు. జేక్స్ బెజోయ్ స్పెషల్ మ్యూజిక్ తో పాటను అదరగొట్టారు.

ఐ హేట్ యూ డాడీ లిరికల్ సాంగ్ లో విజువల్స్ రిచ్ గా ఉన్నాయి. సినీ ప్రియులను ఆకట్టుకుంటున్నాయి. ముఖ్యంగా విశ్వక్ సేన్ కార్ స్టీరింగ్ స్టెప్ స్పెషల్ గా ఉంది. ఓవరాల్ గా సాంగ్.. అందరినీ అలరిస్తోంది. ఎస్ ఆర్ టీ ఎంటర్టైన్ మెంట్స్ బ్యానర్‌ పై రామ్ తాళ్లూరి గ్రాండ్ గా నిర్మిస్తున్న మెకానిక్ రాకీ చిత్రం ఎలాంటి హిట్ అవుతుందో వేచి చూడాలి.