మీనాక్షి ఆన్ డిమాండ్.. రెమ్యూనరేషన్ పీక్స్..!

సుశాంత్ సినిమా ఇచ్చట వాహనములు నిలుపరాదు సినిమాతో తెలుగు తెరకు పరిచయమైన బ్యూటీ మీనాక్షి చౌదరి ఆ సినిమాతో జస్ట్ ఓకే అనిపించినా ఆ తర్వాత సినిమాలతో ఆడియన్స్ లో పాపులారిటీ తెచ్చుకుని. ఖిలాడి, హిట్ 2 ఇలా వరుస సినిమాల్లో నటించిన మీనాక్షి గుంటూరు కారం సినిమా మంచి మైలేజ్ ఇచ్చింది. సినిమాలో ఆమెది చాలా చిన్న పాత్రే కానీ మీనాక్షి గురించి అందరికీ తెలిసేలా చేసింది ఆ సినిమా. సినిమాల కన్నా సోషల్ మీడియాలో తన ఫోటో షూట్స్ తో ఫాలోవర్స్ ని అలరిస్తున్న మీనాక్షి ఇప్పుడు ఒక రేంజ్ లో ఛాన్సులు అందుకుంటుంది.

తెలుగులో రెండు భారీ సినిమాల్లో ఛాన్స్ అందుకున్న మీనాక్షి కోలీవుడ్ లో దళపతి విజయ్ తో కూడా జత కడుతుంది. ఈమధ్య కాలంలో ఇలా వచ్చి అలా స్టార్ క్రేజ్ తెచ్చుకున్న వారిలో మీనాక్షి ఉంటుంది. తెలుగులో ఇంకా ఆమెకు స్టార్ క్రేజ్ రాకపోయినా కోలీవుడ్ మాత్రం ఆమెకు స్టార్ స్టేటస్ ఇచ్చేశారు. దళపతి సినిమా తర్వాత అమ్మడు కచ్చితంగా కోలీవుడ్ లో వరుస భారీ ఆఫర్లు అందుకుంటుందని చెప్పొచ్చు.

ఇదిలాఉంటే తనకు వస్తున్న ఈ ఆఫర్లతో మీనాక్షి తన రెమ్యునరేషన్ కూడా పెంచేసిందని తెలుస్తుంది. మొన్నటిదాకా కోటికి అటు ఇటుగా తీసుకున్న మీనాక్షి ఇప్పుడు 2 కోట్ల పైన ఇస్తేనే సినిమాకు సైన్ చేస్తానని అంటుందట. మీనాక్షికి ఉన్న డిమాండ్ కి ఆమె అడిగినంత రెమ్యునరేషన్ ఇవ్వాలని ఫిక్స్ అయ్యారట దర్శక నిర్మాతలు. ఇటు అందంతోనూ అటు అభినయంతోనూ రెండిటితో మీనాక్షి మెప్పిస్తుంది.

ముఖ్యంగా మీనాక్షి షేర్ చేసే ఫోటో షూట్స్ కి సెపరేట్ ఫ్యాన్స్ ఉన్నారు. సినిమాలతో కన్నా అమ్మడు సోషల్ మీడియా ఫాలోయింగ్ తోనే ఎక్కువ డిస్కషన్స్ లో ఉంటుంది. మీనాక్షి చౌదరి నెక్స్ట్ స్టార్ హీరోయిన్ అని ఇప్పటికే సంకేతాలు వస్తున్నాయి. అమ్మడి ఖాతాలో వరుసగా ఒకటి రెండు సూపర్ హిట్లు పడితే మాత్రం ఇక మీనాక్షిని ఆపడం కష్టమని చెప్పొచ్చు. స్టోరీ సెలక్షన్ కథాకామీషు ఎలా ఉన్నా మీనాక్షికి సొంతంగా భారీ ఫాలోయింగ్ ఏర్పరచుకుంటుంది. సో అమ్మడికి రానున్న టైం అంతా కలిసి వచ్చేలా ఉంటుందేమో చూడాలి. తెలుగు, తమిళ భాషల్లో పాగా వేయాలని చూస్తున్న మీనాక్షి అందుకు తగినట్టుగానే ఆఫర్లను అందుకుంటుంది. మరి ప్రస్తుతం స్టార్ రేంజ్ కి వెళ్లిన భామలకు మీనాక్షి ఏవిధంగా పోటీ ఇస్తుంది అన్నది చూడాలి.