నెక్స్ట్ బిగ్ స్టార్.. మాయ చేస్తున్న మీనాక్షి..!

సుశాంత్ ఇచ్చట వాహనములు నిలుపరాదు సినిమాతో హీరోయిన్ గా పరిచయమైన మీనాక్షి చౌదరి కెరీర్ లో సూపర్ హిట్ కొట్టలేదు కానీ అమ్మడు వరుస ఆఫర్లు మాత్రం అందుకుంటుంది. సుశాంత్ సినిమా తర్వాత రవితేజ ఖిలాడి, హిట్ 2 సినిమాల్లో నటించింది. హిట్ 2 సక్సెస్ అవడంతో ఆమె వెంట దర్శక నిర్మాతలు పడుతున్నారు. మరోపక్క సూపర్ స్టార్ మహేష్ గుంటూరు కారం సినిమాలో లక్కీ ఛాన్స్ అందుకోవడంతో మీనాక్షి స్టార్ లీగ్ లోకి వచ్చేసింది. సినిమాలతోనే కాదు తన ఫోటో షూట్స్ తో మీనాక్షి తన ఫాలోవర్స్ ని ఆకట్టుకుంటుంది.

మహేష్ సినిమా ఆఫర్ అమ్మడి రేంజ్ పెంచేసింది. ఓ పక్క యువ హీరో విశ్వక్ సేన్ సినిమాలో నటిస్తుంది. తెలుగులోనే కాదు తమిళంలో విజయ్ ఆంటోని నటించిన కోలై సినిమాలో మీనాక్షి నటించింది. ఆ సినిమానే తెలుగులో హత్య టైటిల్ తో వచ్చింది. వరుస క్రేజీ సినిమాలతో మీనాక్షి తన సత్తా చాటనుంది. చూస్తుంటే టాలీవుడ్ నెక్స్ట్ బిగ్ స్టార్ హీరోయిన్ లిస్ట్ లో మీనాక్షి చౌదరి కూడా ఉంటుందని చెప్పొచ్చు. మహేష్ త్రివిక్రం ల కాంబో సినిమాలో ఛాన్స్ అంటే అమ్మడికి లాటరీ తగిలినట్టే.

గుంటూరు కారం ఎలాగు భారీ అంచనాలతో వస్తుంది. ఆ సినిమా హిట్ పడింది అంటే ఇక మీనాక్షి స్టార్ రేంజ్ కి వెళ్లినట్టే లెక్క. అయితే స్టార్ ఛాన్స్ వచ్చింది కదా అని కాకుండా అమ్మడు యువ హీరోల సినిమాల్లో కూడా నటిస్తుంది. తెలుగు స్టార్ హీరోయిన్స్ అంతా కూడా వారి పంథాలో సినిమాలు చేస్తూ వెళ్తున్నారు. ప్రస్తుతం శ్రీ లీల మాత్రమే వరుస స్టార్ ఛాన్స్ లు అందుకుంటుంది. ఆ తర్వాత ప్లేస్ లో మీనాక్షికి ఆ ఛాన్స్ ఉందని చెప్పొచ్చు.

సినిమాలు ఎలా ఉన్నా మీనాక్షి తన ఫాలోవర్స్ ని ఎట్రాక్ట్ చేసేలా చేస్తున్న ఫోటో షూట్స్ కూడా ఆమెకు మరింత మైలేజ్ పెంచేస్తున్నాయి. తప్పకుండా మీనాక్షికి రాబోయే సినిమాలు ఆమెను మరింత క్రేజ్ తెచ్చేలా చేస్తాయని చెప్పొచ్చు.

గుంటూరు కారం, విశ్వక్ సేన్ సినిమాతో పాటుగా మరో రెండు క్రేజీ మూవీస్ మీనాక్షి లిస్ట్ లో ఉన్నాయని తెలుస్తుంది. చేస్తున్న సినిమాల్లో ఏ ఒక్కటి సూపర్ హిట్ పడినా మీనాక్షి గ్రాఫ్ పెరిగే ఛాన్స్ ఉంది. యాక్టింగ్ మాత్రమే కాదు గ్లామర్ సైడ్ కూడా మీనాక్షి మెరుపులు ఆడియన్స్ ని ఎట్రాక్ట్ చేస్తున్నాయి. అందుకే అమ్మడికి వరుస అవకాశాలు వస్తున్నాయని చెప్పొచ్చు.