మెగా ఆఫర్.. మళ్లీ ఎక్కడో డౌట్ కొడుతుంది మీనాక్షి..!

టాలీవుడ్ బ్యూటీ మీనాక్షి చౌదరి రీసెంట్ గా మహేష్ గుంటూరు కారం సినిమాలో నటించింది. సోలో హీరోయిన్ గా సత్తా చాటుతున్న ఈ టైం లో మీనాక్షి ఇలా చిన్న పాత్రలో కనిపించడం ఆమె ఫ్యాన్స్ ని హర్ట్ అయ్యేలా చేసింది. ఐతే మహేష్ త్రివిక్రం కాంబినేషన్ అనేసరికి మీనాక్షి మరో మాట మాట్లాడకుండా ఓకే అనేసింది. సినిమాలో మరదలి పాత్రలో మీనాక్షి అస్సలు కనిపించలేదు.

ఇక ఇదిలా ఉంటే మీనాక్షి ఖాతాలో మరో మెగా ఆఫర్ వచ్చి చేరిందని తెలుస్తుంది. మెగాస్టార్ చిరంజీవి నటిస్తున్న విశ్వంభర సినిమాలో మీనాక్షి చౌదరి కూడా నటిస్తుందని టాక్. సినిమాలో చెన్నై చిన్నది త్రిష మెయిన్ హీరోయిన్ గా నటిస్తుండగా సినిమాలో మరో ఇద్దరు హీరోయిన్స్ నటించే అవకాశం ఉందని తెలుస్తుంది. ఈ ఛాన్స్ ని మీనాక్షి చౌదరి అందుకున్నట్టు టాక్.

విశ్వంభర సినిమాలో మీనాక్షి చౌదరి దేవకన్య పాత్రలో కనిపించనుందని టాక్. అయితే మీనాక్షి మరోసారి గుంటూరు కారం లో చేసిన తప్పే చేస్తుందా ఏంటని ఆడియన్స్ అనుకుంటున్నారు. మెగాస్టార్ చిరంజీవి సినిమా ఆఫర్ అంటే అది మామూలు విషయం కాదు కానీ ఆ ఆఫర్ కెరీర్ కు హెల్ప్ అయ్యేలా ఉండాలి కానీ కెరీర్ ని వెనకపడేలా చేయకూడదు.

గుంటూరు కారం లో మీనాక్షి చేసిన పాత్రకైనా మరో ఛాన్స్ వస్తుందా అన్నట్టుగా అమ్మడి గ్రాఫ్ పడిపోయింది కానీ వెంటనే మెగా ఆఫర్ పలకరించడం అమ్మడికి లక్కీ అని చెప్పొచ్చు. ఇంతకీ సినిమాలో మీనాక్షి ఎలాంటి పాత్ర చేస్తుంది. విశ్వంభర సినిమాలో త్రిషతో పాటుగా ఇంకా ఎంతమంది స్క్రీన్ షేర్ చేసుకుంటున్నారు. ఈ సినిమా కాన్సెప్ట్ ఏంటన్నది తెలియాల్సి ఉంది. విశ్వంభర సినిమాను 150 కోట్ల బడ్జెట్ తో యువి క్రియేషన్స్ బ్యానర్ లో నిర్మిస్తున్నారు. సినిమాను 2025 సంక్రాంతి రిలీజ్ లాక్ చేశారు.

బింబిసార సినిమా చూసిన చిరు వశిష్ట చెప్పిన విశ్వంభర కథ కూడా అదే రేంజ్ లో తీస్తాడనే నమ్మకంతో ఈ ప్రాజెక్ట్ కి సైన్ చేశారు. ఈ సినిమాకు కీరవాణి మ్యూజిక్ కూడా మరో హైలెట్ అవుతుందని అంటున్నారు. చిరు 150వ సినిమా నుంచి 155 వ సినిమా వరకు రొటీన్ రెగ్యులర్ సినిమాలు చేశాడన్న టాక్ ఉంది. అందుకే విశ్వంభర సినిమాతో విజువల్ వండర్ ని సిద్ధం చేస్తున్నారు.