నాతో మాట్లాడే తీరును జీవితంలో మరచి పోలేను!
తాజగా మహేష్ బాబు సినిమా గుంటూరు కారం లో మీనాక్షి చౌదరి సెకండ్‌ హీరోయిన్ గా నటించింది.
By: Tupaki Desk | 29 Jan 2024 8:30 AM GMT
2018లో మిస్ ఇండియాగా, మిస్ గ్రాండ్‌ ఇంటర్నేషనల్‌ ఫస్ట్ రన్నరప్‌ గా నిలిచిన మీనాక్షి చౌదరి తెలుగు లో ఇచ్చట వాహనములు నిలుపరాదు సినిమాతో హీరోయిన్ గా ఎంట్రీ ఇచ్చిన విషయం తెల్సిందే. మెల్ల మెల్లగా టాలీవుడ్‌ లో ఈ అమ్మడు అడుగులు వేస్తూ వస్తోంది.
తాజగా మహేష్ బాబు సినిమా గుంటూరు కారం లో మీనాక్షి చౌదరి సెకండ్‌ హీరోయిన్ గా నటించింది. మరో వైపు ఈమె తమిళ సూపర్ స్టార్ విజయ్ సినిమాలో కూడా నటిస్తున్న విషయం తెల్సిందే. వెంకట్‌ ప్రభు దర్శకత్వంలో రూపొందుతున్న విజయ్ సినిమా ఛాన్స్ రావడంపై తాజా ఇంటర్వ్యూలో మీనాక్షి చౌదరి స్పందించింది.
విజయ్ అంటే నాకు వీరాభిమానం. అలాంటి విజయ్ తో నటించే అవకాశం వచ్చింది అని తెలిసినప్పుడు నాకు గుండె ఆగిపోయినంత పని అయ్యింది. ఆయనతో నటించే అవకాశం ఎవరికి అంత సులభంగా రాదు. అలాంటిది నాకు వచ్చింది. ఆయనతో సెట్స్ లో ఉన్నప్పుడు నన్ను నేను నమ్మలేక పోతున్నా అంది.
షూటింగ్‌ సమయంలో, షూటింగ్‌ గ్యాప్ లో విజయ్ సర్ నాతో వ్యవహరించే తీరు, నాతో మాట్లాడే తీరును జీవితంలో మరచి పోలేను. ఆ సంతోషాన్ని వర్ణించలేక పోతున్నాను అంటూ మీనాక్షి చౌదరి తన ఆనందంను షేర్‌ చేసుకుంది.
విజయ్ తో సినిమా తర్వాత కోలీవుడ్‌ లో కచ్చితంగా బిజీ అవుతుందనే నమ్మకం వ్యక్తం అవుతోంది. సోషల్‌ మీడియాలో కూడా మీనాక్షి చౌదరి షేర్‌ చేసే అందాల ఫోటోలు రెగ్యులర్ గా వైరల్‌ అవుతూ ఉన్నాయి. దాంతో కోలీవుడ్‌ మరియు టాలీవుడ్‌ లో ఫ్యూచర్ స్టార్ అంటూ చాలా మంది ఈ అమ్మడి గురించి మాట్లాడుకుంటున్నారు.
