గుంటూరు కారం.. తేడా కొట్టినా ఆ పాప సేఫ్?

త్రివిక్రమ్ శ్రీనివాస్ సినిమాలలో సెకండ్ హీరోయిన్ రోల్ అని సంబరపడే పరిస్థితిలో ఇప్పుడు ఏ హీరోయిన్ లేరని చెప్పాలి. నిజానికి త్రివిక్రమ్ తన సినిమాలు హీరో పాత్రమీదనే వెళ్ళిన అందులో ఫిమేల్ లీడ్ క్యారెక్టర్స్ ని మంచి ప్రాధాన్యత ఇస్తాడు. ఫస్ట్ హీరోయిన్ కి మాత్రం పెర్ఫార్మెన్స్ పరంగా మంచి స్కోప్ దొరుకుతుంది. అయితే సెకండ్ లీడ్ చేసే హీరోయిన్ లకి మాత్రం అస్సలు పెర్ఫార్మెన్స్ కి ఎలాంటి స్కోప్ ఉండదనే అభిప్రాయం చాలామందిలో ఉంది.

త్రివిక్రమ్ సినిమాలో చేశామని చెప్పుకోవడమే తప్ప ఆ పాత్ర ఇంపాక్ట్ సినిమాలో అస్సలు ఉండదు. జల్సాలో కమలిని ముఖర్జీ, అత్తారింటికి దారేది సినిమాలో ప్రణీత, అజ్ఞాతవాసిలో అనూ ఇమ్మాన్యుయేల్, జనతా గ్యారేజ్ లో ఈషారెబ్బ, అల వైకుంఠపురంలో నివేతా పేతురాజ్ వీళ్ళందరూ సెకండ్ హీరోయిన్స్ పాత్రలలో నటించినవారే. ఇప్పుడు గుంటూరు కారం సినిమాలో సెకండ్ హీరోయిన్ గా మీనాక్షి చౌదరిని తీసుకున్నారు.

ఇందులో అయిన ఆమె పాత్రకి ప్రాధాన్యత ఉందా అంటే అప్పుడప్పుడు కనిపించి వెళ్ళిపోవడం తప్ప ఆమె చేసిన క్యారెక్టర్ ఇంపార్టెన్స్ ఏమీ ఉండదు. మీనాక్షి చౌదరికి సోషల్ మీడియాలో మంచి ఫ్యాన్ ఫాలోయింగ్ ఉంది. ఆమె అందానికి ఫ్యాన్స్ ఉన్నారు. ఈ మధ్యకాలంలో టాలీవుడ్ లో వరుస అవకాశాలు అందుకుంటుంది. మీనాక్షిగా గుంటూరు కారం సినిమాలో చెప్పుకోదగ్గ రోల్ కాకపోయిన ఆమె రేంజ్ మాత్రం తగ్గడం లేదు.

గుంటూరు కారం సినిమా ప్రీరిలీజ్ ఈవెంట్ లో సూపర్ స్టార్ మహేష్ బాబు మీనాక్షి చౌదరిది గెస్ట్ అప్పీరియన్స్ అని క్లారిటీ ఇచ్చేశాడు. అయితే ఆమె అందానికి సరైన పాత్రలు దొరికితే మాత్రం టాలీవుడ్ లో మంచి కమర్షియల్ హీరోయిన్ గా ఎదగడం పక్కా అనే మాట వినిపిస్తోంది. ప్రస్తుతం ఆమె చేతిలో మూడు తెలుగు సినిమాలు ఉన్నాయి.

వాటిలో రెండు ఈ ఏడాదిలోనే రిలీజ్ కానున్నాయి. ఆ సినిమాలు అయిన ఆమె ఫ్యూచర్ ని మారుస్తాయేమో అనేది చూడాలి. గుంటూరు కారం గురించి మీనాక్షి చౌదరి మర్చిపోవడం బెటర్ అని ఆమె అభిమానులు సోషల్ మీడియాలో పోస్టులు పెడుతున్నారు.