అతడు పదే పదే టచ్ చేసినా త్రిష మౌనంగానే..!

తమిళ సినీ ప్రేక్షకులకు మరియు ఇండస్ట్రీ వర్గాల వారికి మీరా మిథున్‌ సుపరిచితురాలు. ఆమె గతంలో పలువురు స్టార్ హీరోలు మరియు హీరోయిన్స్ పై సంచలన వ్యాఖ్యలు చేసింది. కులం పేరుతో కొందరిని విమర్శిస్తే మరి కొందరిని మరో రకంగా విమర్శలు చేసిన విషయం తెల్సిందే. స్టార్‌ హీరోల అభిమానులు ఈమెను సోషల్ మీడియా ద్వారా గతంలో తీవ్ర స్థాయిలో ట్రోల్స్ చేశారు.

మీరా మిథున్ ఈ మధ్య కాలంలో ఎక్కువ యాక్టివ్ గా లేదు. ఇన్నాళ్లు సైలెంట్ గా ఉన్న ఈమె మళ్లీ ఒక ఇంటర్వ్యూలో త్రిష పై షాకింగ్ వ్యాఖ్యలు చేసింది. గతంలో త్రిష కి కుల పిచ్చి ఉంటుందని పేర్కొన్న మీరా ఈసారి త్రిష గురించి మరో విషయాన్ని చెప్పుకొచ్చింది. త్రిష సినిమా ల్లో ఆఫర్ల కోసం కొన్ని ఇబ్బందులు కూడా ఫేస్ చేసి మౌనంగా ఉంటుందని ఆమె పేర్కొంది.

త్రిష తో కలిసి నేను ఒక సినిమా లో చిన్న పాత్రలో నటించాను. ఆ సినిమా షూటింగ్ లో నేను పాల్గొన్న సమయంలో త్రిషను నటుడు పదే పదే అసభ్యంగా టచ్ చేశాడు. ఆ సమయంలో త్రిష కూడా ఇబ్బందిగా ఫీల్ అయింది. ఆమెకు కోపం వచ్చినట్లుగానే అనిపించింది. కానీ ఆమె ఏమీ అనలేదు. ఒకవేళ ఆ నటుడిని ఏమైనా అంటే సినిమాలో ఆఫర్‌ పోతుందేమో అని ఆమె భయం కావచ్చు అంది.

సినిమా ఇండస్ట్రీలో ప్రముఖ హీరోయిన్ కే ఇలాంటి పరిస్థితి ఎదురైతే సాధారణ చిన్న నటీమణుల పరిస్థితి ఏంటో అర్థం చేసుకోవచ్చు అంటూ మీరా మిథున్‌ వ్యాఖ్యలు చేసింది. ఇండస్ట్రీ లో కొందరు ఆడవారి పట్ల పదే పదే అసభ్యంగా ప్రవర్తించినా కూడా వారి హోదా కారణంగా ఏమీ అనలేక త్రిష లాంటి వారు మౌనంగా ఉంటున్నారని మీరా మిథున్ పేర్కొంది.