సీనియర్ హీరోయిన్.. ఈసారైనా క్లిక్కయ్యేనా?

టాలీవుడ్ లో ఒకప్పుడు తన అందం, అభినయంతో సినీ ప్రియులను అలరించిన హీరోయిన్లు.. ఇప్పుడు ఇండస్ట్రీలోకి రీఎంట్రీ ఇస్తున్న విషయం తెలిసిందే. స్టార్ హీరోల సరసన ఆడిపాడిన బ్యూటీలు.. ఇప్పుడు హీరోలకు అక్కగా, వదినగా కీలక పాత్రల్లో నటిస్తూ సందడి చేస్తున్నారు. భూమిక, ప్రియమణి, లయ ఇప్పటికే అలరిస్తున్నారు. రేణూ దేశాయ్.. ఇటీవల రవితేజ చిత్రంతో అలరించగా మరిన్ని అవకాశాల కోసం ఎదురుచూస్తున్నట్లు తెలుస్తోంది.

తాజాగా ఈ లిస్ట్ లోకి అందాల భామ మీరా జాస్మిన్ చేరిన సంగతి తెలిసిందే. అమ్మాయి బాగుంది మూవీతో టాలీవుడ్ ఇండస్ట్రీలోకి ఎంట్రీ ఇచ్చిన మీరా జాస్మిన్.. అచ్చ తెలుగమ్మాయిగా కనిపిస్తూ అందరినీ ఫిదా చేసేసింది. వరుస ఛాన్సులు దక్కించుకుని అనేక సినిమాల్లో నటించి మెప్పించింది. భద్ర, గుడుంబా శంకర్, గోరింటాకు వంటి పలు చిత్రాల్లో కనిపించి ఆకట్టుకుంది. కెరీర్ పీక్స్ లో ఉన్నప్పుడు వివాహం చేసుకుని తెలుగు ఇండస్ట్రీకి దూరమైంది.

అయితే తెలుగు సినిమాల్లో కనిపించకపోయినా.. పలు తమిళ, మలయాళం చిత్రాల్లో యాక్ట్ చేసింది. ఇటీవల చాలా స్లిమ్ గా మారిన అమ్మడు.. సోషల్ మీడియాలో తెగ సందడి చేస్తోంది. ఎప్పుడూ లేనంతగా గ్లామరస్ గా కనిపిస్తూ నెటిజన్లను ఫిదా చేస్తోంది. అందాలు ఆరబోస్తూ అందరి చూపు తనవైపు తిప్పుకుంటోంది. క్లీవేజ్ షో చేస్తూ కుర్రకారును కునుకు లేకుండా చేస్తోంది. రీఎంట్రీలో వరుస అవకాశాలు దక్కించుకోవాలని ట్రై చేస్తోంది.

గత ఏడాది విమానం మూవీలో చిన్న పాత్రలో కనిపించింది మీరా జాస్మిన్. ప్రస్తుతం హిందీలో ది టెస్ట్ సినిమా చేస్తున్న ఈ బ్యూటీ.. తెలుగులో ఇప్పుడు మరో లక్కీ ఛాన్స్ పట్టేసింది. యంగ్ అండ్ టాలెంటెడ్ హీరో శ్రీవిష్ణు స్వాగ్ మూవీలో కీలక పాత్ర పోషిస్తోంది. ఇటీవల ఆమె బర్త్ డే సందర్భంగా ఫస్ట్ లుక్ ను విడుదల చేశారు మేకర్స్. రాణి ఉత్ఫలా దేవిగా కనిపించనున్నట్లు వెల్లడించారు. మహారాణిగా అదిరిపోయింది మీరా జాస్మిన్.

అయితే హీరోయిన్ గా ఓ వెలుగు వెలిగిన తర్వాత మళ్లీ ఇండస్ట్రీలోకి రీఎంట్రీ ఇచ్చి క్యారెక్టర్ ఆర్టిస్ట్ గా సక్సెస్ ఫుల్ గా కొనసాగడం కష్టమనే చెప్పాలి. ఇప్పటికే మధుబాల రీఎంట్రీలో సరైన క్రేజ్ దక్కించుకోలేకపోయింది. మీరా జాస్మిన్ కూడా విమానం తర్వాత సరైన రీతిలో రెస్పాన్స్ సంపాదించుకోలేకపోయింది. ఇప్పుడు క్యారెక్టర్ ఆర్టిస్ట్ గా టాలీవుడ్ లో మంచి సక్సెస్ లు అందుకోవాలని చూస్తోంది. మరి మీరా జాస్మిన్ సెకండ్ ఇన్నింగ్స్ ఎలా సాగుతుందో వేచి చూడాలి.