పోస్ట‌ర్ గ్లింప్స్‌: రాణి ఉత్ప‌లాదేవిగా మీరాజాస్మిన్!

పీపుల్స్ మీడియా ఫ్యాక్ట‌రీ నిర్మిస్తున్న తాజా చిత్రం 'SWAG'. మీరా జాస్మిన్ ఈ చిత్రంతో రీఎంట్రీ ఇస్తున్నారు. టైటిల్ స్టోరీ గ్లింప్స్ .. క్వీన్ గ్లింప్స్ ని రిలీజ్ చేసిన త‌ర్వాత 'స్వాగ్' ప్రపంచం ఇప్పుడు ఎవ‌ర్‌గ్రీన్ బ్యూటీ మీరా జాస్మిన్‌ను పరిచయం చేసింది. రాణి ఉత్ప‌లాదేవిగా మీరాజాస్మిన్ లుక్ హెడ్ ట‌ర్న‌ర్ గా మారింది. అత్యున్న‌త స్థాయి రాణి ఉత్ప‌లాదేవి సానుభూతి స్వభావం కారణంగా సింహాసనాన్ని కోల్పోతుంది. ఈ పాత్ర సినిమాకే హైలైట్ గా ఉంటుందని చిత్ర‌బృందం చెబుతోంది.

తాజాగా క్యారెక్టర్ ఇంట్రడక్షన్ పోస్టర్ లో మీరా జాస్మిన్ భారీ ఆభరణాలు డిజైనర్ దుస్తుల్లో రాణి అంటే ఇలా ఉండాలి! అనిపించేంత దర్పంతో అందంగా కనిపిస్తోంది. నిజంగా ఈ పాత్రలో మీరా సముచితంగా కనిపిస్తోంది. గుడుంబా శంక‌ర్, భ‌ద్ర లాంటి క‌మ‌ర్షియ‌ల్ చిత్రాల్లో ట్రెడిష‌న‌ల్ గాళ్ లుక్ లో క‌నిపించిన మీరా జాస్మిన్ గ్లామ‌ర‌స్ పాత్ర‌ల‌కు భిన్న‌మైన పాత్ర‌లను ఎంచుకుని అల‌రించింది. ఇప్పుడు రాణి పాత్ర‌లో అంత‌కుమించి యాప్ట్ గా క‌నిపిస్తోందని చెప్పాలి. చాలా కాలంగా విరామం తీసుకున్న మీరా జాస్మిన్ ఈ సినిమాతో మ‌రోసారి టాలీవుడ్ లో స‌త్తా చాటాల‌ని ఉవ్విళ్లూరుతోంది. స్వాగ్‌లో మీరా కీలకమైన పాత్రలో ఆశ్చ‌ర్య‌ప‌రుస్తుంద‌ని చిత్ర‌బృందం చెబుతోంది.

శ్రీ విష్ణువు, హసిత్ గోలీ పునక‌ల‌యిక‌లో రూపొందుతున్న ఈ చిత్రాన్ని పీపుల్ మీడియా ఫ్యాక్టరీ ప‌తాకంపై టిజి విశ్వ ప్రసాద్ నిర్మిస్తున్నారు. రీతూ వర్మ వింజమారా వంశానికి చెందిన క్వీన్ రుక్మిని దేవి పాత్ర‌లో న‌టిస్తోంది. ఇది పూర్తిస్థాయి వినోదాత్మ‌క చిత్రం. వేదరామన్ శంకరన్ ఈ చిత్రానికి ఛాయాగ్రాహ‌కుడు. వివేక్ సాగర్ సంగీతాన్ని అందిస్తున్నారు. వివేక్ కుచిభోత్లా సహ నిర్మాత. ర‌చ‌న‌-ద‌ర్శ‌క‌త్వం: హసిత్ గోలీ.