ఇట‌లీలో మ‌న‌వ‌రాలితో మెగా దంపతుల ఆట‌లు!
క్లీంకార పుట్టిన త‌ర్వాత తాత‌య్య-నాయ‌న‌మ్మ‌లు చిరంజీవి-సురేఖ‌లు జంట‌గా మ‌న‌వ‌రాలితో క‌నిపించింది చాలా త‌క్కువ.
By: Tupaki Desk | 2 Nov 2023 8:40 AM GMT
క్లీంకార పుట్టిన త‌ర్వాత తాత‌య్య-నాయ‌న‌మ్మ‌లు చిరంజీవి-సురేఖ‌లు జంట‌గా మ‌న‌వ‌రాలితో క‌నిపించింది చాలా త‌క్కువ. ప్ర‌సవం త‌ర్వాత ఉపాస‌న‌ని మెట్టినింటికి ఆహ్వానిస్తోన్న స‌మ‌యంలో చ‌ర‌ణ్‌..సురేఖ‌లు ఉన్నారు త‌ప్ప చిరంజీవి లేరు. అప్పుడాయ‌న ఇత‌ర కార్య‌క్ర‌మాల్లో బిజీగా ఉండ‌టంతో చిరు క‌నిపించ లేదు. ఆ త‌ర్వాత మ‌న‌వ‌రాలితో ఆ దంపతులు మీడియాలో ఎక్క‌డా క‌నిపించ‌లేదు.
క్లీంకార‌తో కెమోరా బిహైండ్ ఆడుకున్నారు త‌ప్ప! కెమెరా ముందు ప్రేక్ష‌కాభిమానుల‌కు తెలిసేలా చేసింది మాత్రం ఇట‌లీ లో ఈ స‌న్నివేశ‌మ‌నే చెప్పాలి. వ‌రుణ్ తేజ్-లావ‌ణ్య త్రిపాఠి పెళ్లి నేప‌థ్యంలో మెగా ఫ్యామిలీ అంతా ఇట‌లీకి వెళ్లిన సంగ‌తి తెలిసిందే. పెళ్లిలో భాగంగా అంతా క‌లిసి కూర్చుని ఎంజాయ్ చేసారు. అలాంటి మూవ్ మెంట్ నుంచి ఓ పిక్ లీక్ అయింది. అందులో చిరంజీవి..సురేఖ‌లు క్లీంకార‌కి తాత-న‌య‌న‌మ్మ ప్రేమ‌లో పంచుతోన్న వైనం ముచ్చ‌టేస్తుంది.
ఇద్దరు మ‌న‌వ‌రాలితో సంతోషంగా ఆడుకుంటున్నారు. చిన్ని..బుజ్జి క‌న్నా అంటూ ముద్దు చేస్తున్నారు. సురేఖ ఒడిలో క్లీంకార ఉంది. ఆ ప‌క్క‌నే కూర్చున్న చిరంజీవి తాత‌య్య ముక్కును ..పెదాల్ని గీటుతూ లాలిస్తున్నారు. మ‌న‌వ‌రాలితో ఇలాంటి ఫోటో ఇదే మొద‌టిది. ఇంత‌వ‌ర‌కూ ఇలాంటి ఫోటో మీడియాకి చిక్క‌లేదు. దీంతో ఆ ఫోటోపై ప్రత్యేక క‌థ‌నాలు నెట్టింట వైర‌ల్ అవుతున్నాయి. మ‌న‌వ‌రాలితో మెగాస్టార్ అంటూ అభిమానులు సంతోషిస్తున్నారు.
సోషల్ మీడియా వేదిక‌గా అభిమానులు తోచిన కామెంట్ల రూపంలో ప్రేమ‌ని పంచుతున్నారు. చిరంజీవి కుమార్తెల బిడ్డ‌ల‌తో చాలాసార్లు క‌నిపించారు. అయితే వాళ్లు పెద్దైన త‌ర్వాత ఎక్క‌వ‌గా ఆ ఫోటోలు బ‌య‌ట‌కు వచ్చాయి. నెల‌లు వ‌య‌సున్న స‌మ‌యంలో ఆ ఫోటోలు ఎక్క‌డా బ‌య‌ట‌కు రాలేదు. తొలిసారి కొడుకు బిడ్డ‌తో చిరంజీవి ఇలా క‌నిపించ‌డం ఆస‌క్తిక‌రం. అభిమానుల‌కు ఆ దృశ్యాన్ని చూడ‌టం క‌న్నుల విందుగా ఉంది.
