మెగా సినిమాలకు విరామం
అయితే వచ్చే వారం వచ్చే వారం పెళ్లి వేడుక జరగనుంది. ఈ నేపథ్యంలో మెగా ఫ్యామిలీ మొత్తం సినిమాలకి బ్రేక్ ఇవ్వనున్నట్లు తెలుస్తోంది.
By: Tupaki Desk | 7 Oct 2023 3:03 PM GMT
మెగా ఫ్యామిలీలో పెళ్లి సందడి మొదలు కాబోతోంది. మెగా ప్రిన్స్ వరుణ్ తేజ్, హీరోయిన్ లావణ్య త్రిపాఠి పెళ్లి నిశ్చయం అయిన సంగతి తెలిసిందే. వీరి నిశ్చితార్ధం కూడా ఇప్పటికే కుటుంబ సభ్యుల సమక్షంలో జరిగిపోయింది. త్వరలో పెళ్లి పీటలు ఎక్కడానికి సిద్దమయ్యారు. వరుణ్ తేజ్ గాండీవదారి అర్జున్ మూవీ ఇప్పటికే రిలీజ్ అయిపొయింది.
ఇక ఆపరేషన్ వాలంటైన్ కూడా రిలీజ్ కి రెడీ అయిపోతుంది. లావణ్య త్రిపాఠి కూడా తాను ఒప్పుకున్న ప్రాజెక్ట్స్ కంప్లీట్ చేసింది. ఇదిలా ఉంటే ఇప్పుడు మెగా, అల్లు ఫ్యామిలీ మొత్తం ఈ పెళ్లి వేడుకల కోసం ఇటలీ వెళ్లనుంది. ప్రస్తుతం ప్రీవెడ్డింగ్ ఫోటోషూట్ జరుగుతోంది. అందులో మెగా ఫ్యామిలీమొత్తం ఒక్క పవన్ కళ్యాణ్ తప్ప పార్టిసిపేట్ చేశారు.
పవన్ కళ్యాణ్ వారాహి యాత్రలో ఉండటం వలన ఈ ఫోటోషూట్ లో పార్టిసిపేట్ చేయలేదు. అయితే వచ్చే వారం వచ్చే వారం పెళ్లి వేడుక జరగనుంది. ఈ నేపథ్యంలో మెగా ఫ్యామిలీ మొత్తం సినిమాలకి బ్రేక్ ఇవ్వనున్నట్లు తెలుస్తోంది. అల్లు అర్జున్ పుష్ప 2 షూటింగ్ కి కొంత విరామం ఇవ్వబోతున్నాడు. అలాగే గేమ్ చేంజర్ సినిమా షూటింగ్ కి రామ్ చరణ్ బ్రేక్ ఇస్తున్నాడు.
వారాహి యాత్రతో పాటు ఉస్తాద్ భగత్ సింగ్ షూటింగ్ కి పవన్ కళ్యాణ్ గ్యాప్ ఇవ్వనున్నారు. ఇలా మెగా ఫ్యామిలీ మొత్తం వరుణ్ తేజ్ పెళ్లి వేడుకలో బిజీగా ఉంటారు. పెళ్లి సంబరాలు అయిన తర్వాత హైదరాబాద్ లో గ్రాండ్ గా రిసెప్షన్ ఏర్పాటు చేయబోతున్నట్లు తెలుస్తోంది. ఇప్పటికి మెగావారింట వరుణ్, లావణ్య పెళ్లి సందడి మొదలైపోయింది.
కొద్ది రోజుల్లో ఇటలీకి అందరూ బయలు దేరనున్నారు. లావణ్య త్రిపాఠి, వరుణ్ తేజ్ ప్రేమలో పడిన చోటనే డెస్టినేషన్ వెడ్డింగ్ జరగబోతోంది. పెళ్ళికి సంబందించిన షాపింగ్ మొత్తం ఇప్పటికే కంప్లీట్ అయినట్లు తెలుస్తోంది. తాజాగా మెగా ఫ్యామిలీ మొత్తం కలిసి దిగిన ఫోటో ఇప్పుడు సోషల్ మీడియాలో వైరల్ గా మారింది. మెగా అభిమానులు అందరూ ఈ ఫోటోని షేర్ చేస్తున్నారు. పవన్ కళ్యాణ్ ఉంటే ఇంకా బాగుండేది అంటూ కామెంట్స్ చేస్తున్నారు.
