గ్యాప్ ఎక్కువైంది చరణ్

గ్లోబల్ స్టార్ ఇమేజ్ సొంతం చేసుకున్న రామ్ చరణ్ ఆర్ఆర్ఆర్ తర్వాత ఇప్పటి వరకు ఆచార్య మూవీతో మాత్రమే ప్రేక్షకుల ముందుకి వచ్చారు. ఆచార్య సినిమా కూడా ఆయనది పూర్తి నిడివి పాత్ర కాదు. మెగాస్టార్ చిరంజీవి చిత్రంగా ఆచార్య తెరకెక్కింది. ఈ లెక్కన చూసుకుంటే ఆర్ఆర్ఆర్ తర్వాత రామ్ చరణ్ చేస్తోన్న మూవీ గేమ్ చేంజర్ అని చెప్పాలి.

ఈ సినిమా షూటింగ్ గత రెండేళ్ళ నుంచి కొనసాగుతూనే ఉంది. శంకర్ ఒకేసారి ఇండియన్ 2, గేమ్ చేంజర్ సినిమాలు కమిట్ కావడంతో ఈ రెండు చిత్రాల షూటింగ్ చేయాల్సి వస్తోంది. ఈ కారణంగా ఆలస్యం అవుతూ వస్తోంది. ఇండియన్ 2 షూటింగ్ కంప్లీట్ అయిపోయి పోస్ట్ ప్రొడక్షన్ లో ఉంది. అయిన గేమ్ చేంజర్ మూవీ షూటింగ్ ఇంకా కంప్లీట్ కాలేదు.

ఈ కారణంగా మూవీ ఎప్పుడు రిలీజ్ అవుతుందనేది ఇంకా క్లారిటీ లేదు. ఆర్ఆర్ఆర్ తర్వాత నెక్స్ట్ సినిమాల విషయంలో ఎక్కువ గ్యాప్ లేకుండా చూసుకుంటా అని రామ్ చరణ్ ఓ సందర్భంలో అన్నారు. అయిన కూడా రెండేళ్ళు గ్యాప్ వచ్చేసింది. నెక్స్ట్ బుచ్చిబాబు దర్శకత్వంలో చేయబోయే సినిమా ఇంకా పట్టాలు ఎక్కలేదు. గేమ్ చేంజర్ కంప్లీట్ అయిన తర్వాత స్టార్ట్ చేయాలని చెర్రి అనుకుంటున్నారు.

అన్ని అనుకున్నట్లు జరిగితే 2024 ఆరంభంలో బుచ్చిబాబుతో చేయబోయే సినిమా పట్టాలు ఎక్కే అవకాశం ఉంది. ప్రస్తుతం ఆ సినిమాకి సంబందించిన క్యాస్టింగ్ సెలక్షన్ లో దర్శకుడు ఉన్నారు. ఈ సినిమా 2025 ప్రథమార్ధంలో కాని లేదంటే ఆగష్టులో రిలీజ్ అయ్యే ఛాన్స్ ఉందంట. బుచ్చిబాబు సినిమానే వచ్చే ఏడాది మొత్తం జరిగేలా కనిపిస్తోంది.

అదే జరిగితే తరువాత మూవీ ఎప్పుడు స్టార్ట్ చేస్తాడు, ఎప్పుడు సెట్స్ పైకి తీసుకొని వెళ్తాడు. ఎప్పుడు రిలీజ్ చేస్తాడనేది క్లారిటీ లేకుండా ఉంది. ఈ లెక్కన చూసుకుంటే గేమ్ చేంజర్ తర్వాత బుచ్చిబాబు మూవీ రిలీజ్ కావడానికి ఏడాదిన్నర సమయం పట్టొచ్చు. దాని తర్వాత మూవీ కూడా రిలీజ్ కావడానికి ఏడాది లేదంటే అంతకు మించిన సమయం పట్టే అవకాశాలు ఉన్నాయని ఇండస్ట్రీ వర్గాలలో వినిపిస్తోన్న మాట. మరీ ఇంత ఆలస్యంగా అయితే కష్టం అంటూ రామ్ చరణ్ లైన్ అప్ పై ఫ్యాన్స్ సోషల్ మీడియాలో కామెంట్స్ చేస్తున్నారు.