మెగా ప్రిన్స్ మట్కా మీదే ఫ్యాన్స్ ఆశలన్నీ..!

మెగా ప్రిన్స్ వరుణ్ తేజ్ ప్రస్తుతం చేస్తున్న రెండు సినిమాల్లో ఒకటి బాలీవుడ్ మేకర్ శక్తి సింగ్ డైరెక్షన్ లో వస్తున్న ఆపరేషన్ వాలెంటైన్ కాగా మరొకటి కరుణ కుమార్ డైరెక్షన్ లో తెరకెక్కుతున్న మట్కా ఒకటి. ఎయిర్ ఫోర్స్ బ్యాక్ డ్రాప్ లో పాన్ ఇండియా మూవీగా వస్తున్న ఆపరేషన్ వాలెంటైన్ సినిమాపై నార్త్ లో మంచి బజ్ ఉంది కానీ తెలుగు లో పెద్దగా లేదు. అయితే కొన్ని సినిమాలు కంటెంట్ బేస్ మీద ఆడియన్స్ ని అలరిస్తాయి. అలానే ఆపరేషన్ వాలెంటైన్ సినిమా రిలీజ్ అయ్యాక తెలుగులో ఎక్కువ చర్చ జరుగుతుందని అంటున్నారు.

ఆపరేషన్ వాలెంటైన్ మీద కన్నా మెగా ఫ్యాన్స్ అంతా కూడా వరుణ్ తేజ్ చేస్తున్న మట్కా మీదే ఎక్కువ గురి పెట్టుకుని ఉన్నారు. మట్కా సినిమా ను వీరా ఎంటర్టైన్మెంట్స్ బ్యానర్ లో భారీ బడ్జెట్ తో నిర్మిస్తున్నారు. ఈ సినిమా కథ 1950, 80 ల మధ్య జరుగుతుందని తెలుస్తుంది. పలాస సినిమాతో డైరెక్టర్ గా మంచి గుర్తింపు తెచ్చుకున్న కరుణ కుమార్ ఈ సినిమాను భారీగా ప్లాన్ చేస్తున్నట్టు తెలుస్తుంది.

వరుణ్ తేజ్ మట్కా సినిమాలో మీనాక్షి చౌదరి హీరోయిన్ గా నటిస్తుంది. ఆపరేషన్ వాలెంటైన్ తో వరుణ్ తేజ్ కి బాలీవుడ్ మార్కెట్ ఓపెన్ అయితే మట్కాతో అక్కడ మరింత క్రేజ్ తెచ్చుకోవాలని చూస్తున్నాడు. సౌత్ మాస్ సినిమాల మీద హిందీ ఆడియన్స్ స్పెషల్ ఇంట్రెస్ట్ చూపిస్తుంటారు. ఈ క్రమంలో మట్కా కూడా వారికి మంచి మాస్ మసాలా ఫీస్ట్ అందిస్తుందని అంటున్నారు.

ఆపరేషన్ వాలెంటైన్ సినిమా మార్చి 1న రిలీజ్ లాక్ చేయగా మట్కాని కూడా ఈ ఇయర్ ఎండింగ్ కల్లా రిలీజ్ చేసేలా ప్లాన్ చేస్తున్నారు. మరి వరుణ్ తేజ్ వరుసగా రెండు సినిమాలతో చేస్తున్న ఈ పాన్ ఇండియా అటెంప్ట్ ఎలాంటి ఫలితాన్ని అందిస్తుందో చూడాలి. కొందరు హీరోలకు పెళ్లి తర్వాత వారి ఇమేజ్ మారిపోతుంది. లావణ్య త్రిపాఠి పెళ్లితో వరుణ్ తేజ్ కెరీర్ బూస్ట్ అవుతుందా లేదా అన్నది చూడాలి. వరుణ్ తేజ్ మాత్రం ఓ పక్క సినిమా సినిమాకు డిఫరెంట్ అటెంప్ట్ చేస్తూనే ప్రేక్షకులను ఫ్యాన్స్ ని మెప్పించాలనే ప్రయత్నంలో కూడా ఉన్నాడు. ఆపరేషన్ వాలెంటైన్ క్లాస్ మూవీ కాగా మట్కా మాత్రం వరుణ్ తేజ్ కి మాస్ ఇమేజ్ తెచ్చేలా ఉందని చెప్పొచ్చు.